Adrian Hadribeaj është sportisti shqiptar që po bën karrierë të suksesshme në Amerikë. I njohur me nofkën “The Eagle”, Adriani ka fituar zemrat e shqiptarëve në Amerikë dhe në përgjithësi të amerikanëve me sukseset e tij në artet e miksuara marciale i njohur si MMA.
Ish kampioni I ballkanit në karate me Shqipërinë, nënkampioni i Evropës dhe botës vendosi që gjashtë vite më parë të marrë rrugën e largët të Amerikës për të nisur një jetë të re me suksese të reja.
Në shtatë përballjet e para në MMA si amator arriti shtatë fitore, që të gjitha me nokaut. Ky sukses i mundësoi atij që menjëherë të futet në profesionalizëm. Hadribeaj u bë idhull i shumë njerëzve të këtij sporti të popullarizuar në SHBA.
Në tetë përballjet në profesionalizëm, Adriani arriti që të shënojë shtatë fitore dhe një humbje. Në përballjen e fundit që e kishte javën e kaluar, Adriani arriti ta mposhtë kundërshtarin e njohur në këtë sport, Scott Futrell me vendim të gjyqtarëve.
Pas kësaj fitoreje, sportisti shqiptar është gati për një përballje tjetër të madhe të cilën e ka aranzhuar me datë 29 prill të këtij viti.
I kontaktuar nga Indeksonline, Hadribeaj ka thënë se i është borxh publikut shqiptar në Amerikë të cilët e mbështesin vazhdimisht.
Krenarija e sportit shqiptar premton fitore edhe në përballjen e prillit duke thënë se është duke u përgatitur maksimalisht për këtë.
© SYRI.net
Bëje LIKE dhe merr lajmin e fundit nga Sporti: