Në stadiumin “Selman Stërmasi” në kryeqytet u luajt ndeshja më e rëndësishme e javës së 20-të të Superligës mes Partizanit dhe Kukësit, shkruan SYRI.net.
Pjesa e parë u mbyll me fitoren minimale 1-0 të Partizanit. Golin e vetëm e shënoi Gojkovic në minutën e 43-të.
Në pjesën e dytë, në të 66’ ka nervozizëm në fushë. Bakaj i Kukësit kapet me Culum dhe arbitri ndëshkon me karton të kuq lojtarin e Partizanit.
Menjëherë pas këtij momenti, kuksianët gjejnë golin e barazimit me Gurin, 1-1.
Momenti i mirë i kampionëve në fuqi shfrytëzohet në të 70’, ku Hoxha zhytet me kokë duke kaluar Kukësin në avantazh, 1-2.
Në minutat e mbetura të kuqve u anulohet një gol, teksa në 5 minutat shtesë ka mjaft histori.
Bakaj ndëshkohet me karton të kuq dhe të dy ekipet e mbyllin ndeshjen me nga një lojtar më pak.
Kukësi në minutën e pestë shtesë shënon me anë të Gurit golin e tretë, i cili vulos takimin.
Skuadra verilindore fiton 3-1 në kryeqytet, duke u ngjitur në vend të tretë.
© SYRI.net
Bëje LIKE dhe merr lajmin e fundit nga Sporti:
Po normal shume Gola se eshte luajtur 1/2 dhe +4. Bravo Mark Iuliano