Mbrojtësi gjerman i Bayern Munchen, Mats Hummels, thotë se skuadra e tij duhet të heqë dorë nga loja e bukur për të eliminuar skuadrën e Besiktasit.
Ai thotë se përballë do të kenë një skuadër të madhe europiane, e cila ka fituar pa problem grupin në të cilin ishte.
“Kjo është një fazë speciale. Për gjërat e mira nuk është e domosdoshme që të luash bukur për të fituar. Shpesh, gjërat tjera janë më të rëndësishme se estetika”, tha Hummels gjatë konferencës për mediat.
“Ne e dimë që do të takohemi me një skuadër të madhe europiane, që ka fituar grupin pa problem. Kanë emra të mëdhenj në skuadër kualitet në lojën e tyre taktike dhe individuale”.
Ndeshja e parë ndërmjet Bayernit dhe Besiktasit do të zhvillohet nesër në orën 20:45 në “Allianz Arena”.
© SYRI.net
Bëje LIKE dhe merr lajmin e fundit nga Sporti: