Në dyshim e ardhmja e yjeve të Bayern Munchen

Në dyshim e ardhmja e yjeve të Bayern Munchen

21:30, 18/01/2018

Ndodh shpesh që futbollistët të shqetësohen për të ardhmen e tyre, kur janë në prag të përfundimit të kontratës, por ky nuk është rasti i Arjen Robben.

Marrëveshja e sulmuesit me Bayernin e Mynihut përfundon në fund të këtij sezoni, por pavarësisht se holandezi pranoi se mes tij dhe klubit gjerman nuk ka pasur asnjë diskutim për rinovimin e kontratës, lojtari shprehu se kjo situatë nuk përbën shqetësim për të.

33-vjeçari shtoi se pavarësisht momentit ku ndodhet, ndihet i qetë dhe është i fokusuar vetëm te loja, për të dhënë më të mirën e tij në fushë.

Robben nuk është i vetmi sulmues për të cilin bavarezët janë në mëdyshje, pasi e njëjta gjë po ndodh edhe me Franck Ribery, kontrata e të cilit përfundon në të njëjtën kohë me holandezin.

Nga ana tjetër, babai i këtij të fundit dhe njëkohësisht edhe agjenti i tij, ka zbuluar se ka disa skuadra që kërkojnë të sigurojnë shërbimet e 33-vjeçarit.

Në lidhje me klubin numër një të kampionatit gjerman, Hans Robben është optimist se herët apo vonë do të vijë edhe oferta e rinovimit.

Arjen Robben iu bashkua Bayernit në vitin 2009 dhe deri më tani regjistron 274 paraqitje, në të cilat ka realizuar 134 gola në të gjitha kompeticionet.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco