Diego Armando Maradona ka thënë se nuk është xheloz ndaj Messit dhe Ronaldos por ka thënë se ai do të kishte fituar më shumë Topa të Artë se ata.

“Do të kisha fituar më shumë Topa të Artë se Ronaldo dhe Messi. Ronaldo? Ai është thjesht i mrekullueshëm”, ka thënë Maradona gjatë një interviste për të përditshmen spanjolle “AS”.

Pyetja se a ka të drejtë Maradona për atë që thotë nuk do të marrë përgjigje asnjëherë, pasi France Football i ka konsideruar vetëm lojtarët evropianë për çmimin më të rëndësishëm individual deri në vitin 1995.