Për Lionel Messin, Manchester City dhe PSG janë dy skuadra që duhet t’ua kenë të gjithë frikën. Këto komente i bëri për “Marcan”, pasi fitoi “Këpucën e Artë”.

Në një intervistë të gjatë për “Marcan”, që do të botohet e plotë të shtunën, Lionel Messi i sheh Manchester Cityn dhe PSG si dy skuadra të frikshme në Ligën e Kampionëve.

Manchester City, PSG, Real Madrid dhe Bayern Munich, janë rivalët e Barcelonës për Champiosnin sipas argjentinasit.

“Manchester City është një ndër ekipet më të forta momentalisht së bashku me PSG-në. Këto dy ekipe deri më tani kanë dëshmuar se janë një nivel më lartë. Por, sezoni është i gjatë dhe unë kurrë nuk e përjashtoj Real Madridin”, tha Messi.

“Nuk e përjashtoj as Bayern Munchen, që do të jetë aty gjithmonë, por them se momentalisht City dhe PSG janë para të gjithave”, shtoi ai.