Pas shkarkimit të Giampiero Ventures, Roberto Mancini ka hedhur poshtë mundësinë e emërimit në postin e trajnerit të përfaqësueses italiane.
Ndërkohë, ish-trajneri i Interit dhe Manchester City ka thënë se është i lumtur në Zenit dhe nuk mendon për kombëtaren, shkruan “Football-Italia”, raporton SYRI.net.
“Si shumë bashkatdhetarë, edhe unë kam ëndërruar ta shihja Italinë në Kupën e Botës në Rusi. Jam trishtuar shumë kur kam parë që Italia u eliminua. Nuk jam i befasuar që emri im është në listë. Por, jam i lumtur në Zenit dhe nuk e mendoj kombëtaren”, ka thënë Mancini për Match TV.
Ndërkohë që Carlo Ancelotti është favorit, Mancini është emri tjetër i madh në listën e trajnerëve që mund ta marrin drejtimin e “Të Kaltërve”. / Oldi Mele / SYRI.net
© SYRI.net
Bëje LIKE dhe merr lajmin e fundit nga Sporti: