Polemikat me Mourinhon, Conte: Nuk jam penduar, ai të shohë punën e vet

Polemikat me Mourinhon, Conte: Nuk jam penduar, ai të shohë punën e vet

23:53, 20/10/2017

Antonio Conte, trajneri i Chelseat, ka përfunduar në shënjestrën e kritikave pas disa rezultateve negative dhe për punën e përditshme që bën me lojtarët, që konsiderohet shumë e rëndë dhe shkaku kryesor i dëmtimeve të shumta.

“Secili ka metodat e tij dhe këtë vit po stërvitemi më pak në krahasim me sezonin e kaluar”, ka sqaruar Conte.

Pas triumfit të jashtëzakonshëm të sezonit të kaluar në Premier League, trajneri italian nuk e ka nisur në mënyrën e duhur sezonin e ri. Pas dy humbjesh radhazi të pësuara në kampionat kundër Manchester City-it dhe Crystal Palace, që kanë dërguar “Blutë” 9 pikë larg kreut, lojtarët e Conte-s kanë pasur vështirësi edhe në Champions kundër Romës.

Këto rezultate kanë ndezur polemikat dhe, sipas “Daily Mail”, vetë futbollistët nuk janë të kënaqur me metodat e teknikut, të konsideruara shumë të rënda dhe shkaku kryesor i dëmtimeve.

Këto ankesa kanë ardhur nga “senatorët” e skuadrës. Antonio Conte ka dashur të sqarojë gjithçka: “Stërvitjet e mia? Secili ka metodat e tij. Por këtë vit janë pakësuar dhe kjo mund të jetë një nga arsyet e problemeve. Programi është reduktuar sepse luajmë shpesh dhe nuk është e mundur të stërvitemi si në sezonin e kaluar. Për sa i takon polemikave me Mourinhon, nuk jam i penduar për asgjë.

Një trajner duhet të mendojë për skuadrën e tij. Duhet të përqendrohet te puna e tij dhe të mos mendojë për atë të të tjerëve”, deklaroi tekniku italian.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco