Rubrika “Çeshtje të Emigracionit në SHBA” i jep mundësinë qytetarëve të qartësohen nga avokati Kieran Both për problemet e tyre.
Në një letër që na ka ardhur në zyrën tonë, një lexuese e Ilirisë na shkruan:
“Burri im po kërkon divorc. Unë kam green card të kushtëzuar dhe është koha për të aplikuar për green card të përhershme. Kam frikë se do të më deportojnë dhe do të më ndajnë nga fëmijët. Çfarë mund të bëj? PD, Pennsilvani”
Mos u shqetësoni, ju keni mundësi të merrni green card të përhershme. Fakti që keni fëmijë është një faktor i rëndësishëm që u favorizon. Gjithësesi, varet nga statusi i divorcit dhe marrëdhëniet që keni pasur me bashkëshortin tuaj.
Ju duhet të provoni se martesa juaj ishte bazuar në dashuri e mirëbesim.
Green card-a është e kushtëzuar kur martesa është më pak se 2 vjeçe që nga dita që iu është dhënë rezidenca e përhershme. Bashkëshortit apo bashkëshortes, i jepet statusi i rezidentit të kushtëzuar ditën kur ai/ajo/ është pranuar në mënyrë të ligjshme në Shtetet e Bashkuara . Statusi është i kushtëzuar, sepse, në rastin tonë, letërshkruesja duhet të dëshmojë se nuk u martua për të përfituar nga ligjet e emigracionit.
Kërkesa e përbashkët për të hequr kushtin e green card-ës.
Si rregull, kushti hiqet kur të dy bashkëshortët bëjnë sëbashku kërkesën për heqjen e tij, dmth ju dhe bashkëshorti juaj amerikan duhet të aplikoni sëbashku për të hequr kushtin mbi statusin e rezidentit permanent, duke plotësuar formularin I-751 (Petition to Remove Conditions on Residence) si provë për vazhdimin e martesës. Aplikimi duhet bërë brenda 90 ditëve para mbushjes së dy vjetorit të martesës. Data e skadimit të statusit me kusht është gjithashtu data e përvjetorit të dytë të martesës me shtetasin amerikan. Nëse nuk aplikoni në kohë për të hequr kushtin e green card-ës , kjo mund të rezultojë në heqjen e statusit tuaj dhe vënien në proces deportimi nga Amerika. Ky është një dënim i madh për mosaplikim brenda afatit. Rezidentes me kusht, i bëhet i paligjshëm vazhdimi i qëndrimit në SHBA. Madje ka rrezik që të përballohet më masën ndëshkimore për ndalim ri-hyrje në Amerikë nga 3 deri në 10 vjet pas deportimit, për shkak mosaplikimi të Form I-751 (Petition to Remove Conditions on Residence).
Formalisht Emigracioni jep mundësi për aplikim të vonuar, nëse çifti vërteton që kishin arsye të rëndësishme për vonesën, për shkak të problemeve në martesën e tyre. Nëse janë duke shkuar për konsultime, duhet të paraqesin evidenca për këtë. Edhe nëse nuk jetojnë së bashku ata duhet të deklarojnë që martesa u bë mbi bazën e dashurisë. Fëmija është dëshmi e fortë për këtë.
Nëse jeni ende e martuar në kohën kur është bërë kërkesa për heqjen e kushtit të green card-es,(Form I-751) ju mund të paraqisni së bashku aplikimin. Shërbimi i Emigracionit dhe Shtetësisë (USCIS) mund të miratojë një peticion të përbashkët për “waiver” edhe nëse çifti nuk jeton më së bashku, nëse USCIS beson se marrëdhënia ishte reale që nga fillimi . Nëse i besoni bashkëshortit tuaj amerikan atëhere nuk do të keni problem në zgjatjen e statusit tuaj. Në se nuk i besoni burrit tuaj për t’ju ndihmuar gjatë procesit,atëhere kërkesa e përbashkët duhet të konvertohet në rastin e një “waver”.
Çfarë ndodh kur kërkesa për heqjen e kushtit nuk është dorëzuar sëbashku me bashkëshortin ?
Nëse rezidentja me kusht nuk i mbush dot mendjen bashkëshortit të saj shtetas amerikan, të aplikojnë së bashku për heqjen e kushtit të green card-ës, ajo mund të aplikojë për “weaver”, dmth që t’i njihet e drejta për të aplikuar më vete për heqjen e kushtit të green card-ës .
Si regull, kjo kërkesë bëhet në disa raste të veçanta, si:
-Martesa është normale bazuar mbi dashurinë dhe besimin reciprok, por shtetasi amerikan vdes gjatë periudhës kur bashkëshortja është ende me green card me kusht.
-Martesa ishte normale, por ndërpritet nga divorci ose nga anullimi.
-Martesa ishte normale në fillim, por më pas bashkëshorti shtetas amerikan e keqtrajton gruan e tij (ushtron dhunë mbi të, e rreh).
-Krijohet gjendje shumë e vështirë për rezidenten me kusht, nëse i ndërpritet statusi nga Shërbimi i Emigracionit. Atëhere asaj i nevojitet të aplikojë për ‘ waiver’ dmth që t’i njihet e drejta për të aplikuar më vete për heqjen e kushtit të green card-ës , e jo si kërkesë e përbashkët me bashkëshortin,( dmth pa kooperimin ) e tij.
Për t’u kualifikuar për këtë të drejtë, së pari aplikantja duhet të krijojë bindje tek Emigracioni që martesa në fillim ka qënë reale dhe e bazuar mbi ndenja reciproke, në mirëbesim dhe pa interes. Dmth nuk u bë për qëllim përfitimi statusi. Por më pas erdhi duke degraduar. Përfaqsuesi i Emigracionit që do merret me këtë çështje duhet të krijojë bindje se në lidhjen e martesës nuk ka patur mashtrim.
Kërkesa për ‘waiver’ nuk është e lehtë për t’u aprovuar. Situata e rëndë dhe e jashtëzakonshme e palës që ka vuajtur duhet të ketë filluar vetëm pasi ka qënë aprovuar për statusin e rezidentit me kusht. Nëse një kërkesë e tillë ngrihet pas dy vjetësh bashkëjetese me shtetasin amerikan, kjo do të qe përtej afatit të përcaktuar nga ligji dhe për këtë shkak nuk do të qe më e pranushme nga Emigracioni. Evidenca që flasin se martesa u krye në kushte reale, pa mashtrim, i duhen bashkëgjitur aplikimit. Këto evidenca do të ishin asetet financiare, prova e kredisë të shtëpisë dhe të tjera që vërtetojnë bashkëjetesën e çiftit. Këto janë vështirë për t’u provuar nëse çifti ka jetuar pak kohë sëbashku, por një avokat me eksperiencë do të ndihmonte mjaft.
Ka ende për të folur për statusin e rezidentit me kusht e problemet martesore me shtetas amerikanë të cilave do t’u adresohemi në të ardhmen në rubrikën tonë të përjavshme. Ndërkohë ju inkurajojmë që të lidheni me avokatë të Emigracionit kur ndodheni në situata të veçanta. Informacion shtesë do të gjeni gjithnjë në web , www.uscis.gov./Illyria
© SYRI.net