'Fëmijët qanin, ndërsa unë u ndjeva e poshtëruar nga kompania ajrore'

'Fëmijët qanin, ndërsa unë u ndjeva e poshtëruar nga kompania ajrore'

13:44, 17/07/2017

Një nënë zvicerane nuk arriti të fluturojë me aeroplanin “EasyJet”, ndërsa ajo biletat i kishte rezervuar dhe i kishte paguar përmes internetit. Për shkak të problemeve teknike, ajo përjetoi një situatë të hidhur.

Ditët kalojnë, por nënës i ka mbetur kujtimi i asaj dite në aeroport. Më 22 qershor, Bruna Sousa kishte blerë katër bileta avioni për të udhëtuar me dy fëmijët e saj (të moshës 7 dhe 11 vjet) në Porto (Portugali) për pushime. Kjo nënë nga Neuchatel-i kishte parashikuar të bëjë udhëtimin shkuarje-ardhje të njëjtën ditë dhe t’i bashkohet familjes së saj më vonë.

Regjistrimi, i pamundur

Pas rezervimit, ajo regjistrohet në internet në faqen e kompanisë “EasyJet”. Për biletën e saj nuk i del problem, por për biletën e fëmijëve detyrohet të përsërisë disa herë operacionin, gjersa merr mesazhin se shuma prej 460 CHF i debitohet nga llogaria e saj.

Të mërkurën, më 28 qershor, në aeroportin e Gjenevës ajo merr lajmin e pabesueshëm.  Stafi i “EasyJet” e njofton se fluturimi është i plotë, por ajo nuk mund të niset. Ajo i tregon stafit të kompanisë se ka rezervuar biletat, madje edhe i ka paguar. Po asgjë nuk i ndihmon: për stafin, regjistrimi nuk është bërë. Stafi e këshillon të shikojë diku tjetër për një fluturim tjetër.

“Mbeta në sallën e madhe të aeroportit e vetmuar, fëmijët qanin, ndërsa unë u ndjeva e poshtëruar”, shpjegon Bruna. Pas ca minutash, shikoja në të djathtë dhe të majtë duke kërkuar një zgjidhje. Për fat të mirë, në zyrën e “Swiss” janë treguar të kuptueshëm dhe më kanë ndihmuar. Kështu që arrita të gjej një fluturim për një total prej 759 frangash”.

Si e shpjegon këtë situatë “EasyJet” ?

“EasyJet” tregon se regjistrimi, i cili mund të bëhet edhe në aeroport, duhet të bëhet brenda 30 ditëve, ose 2 orëve para nisjes. Në këtë rast, zonja dhe dy fëmijët janë paraqitur me vonesë. Këta të fundit kanë qenë të vendosur në listën e pritjes, por nuk ka pasur asnjë anulim të biletës.

“Por, unë i kam paguar biletat”, thotë nëna. Në këtë rast, “thjesht, ju mund të kontaktoni shërbimin tonë të konsumatorëve. Në qoftë se ne nuk mund të ofrojnë një fluturim brenda 48 orëve, ne do të kthejmë biletën dhe ato të blera nga një kompani tjetër për një largim brenda 48 orëve”, thotë një zëdhënës i linjës ajrore. Bruna thotë se stafi nuk i ka propozuar asgjë.

Hidhërimi i nënës i shtohet listës së defekteve të kompanisë që janë raportuar kohët e fundit dhe mungesës së përkujdesjes për klientët e saj. Modeli ekonomik i “EasyJet” arrin në kufijtë e saj, thekson Federata romande për konsumatorë. “Transportuesi ajror vetëm është i koncentruar në përfitime në mënyrë të ekzagjeruar”, mendon Rolin Wavre, kryetar i degës së Gjenevës së Federatës për konsumatorë. Në rast problemi, pasojat veç sa rriten për pasagjerët, të cilët kompania i braktis. Kjo është e papranueshme”.

© SYRI.net

Lexo edhe:

Komentet

Shto koment