Vazhdojnë skandalet me provimet e maturës shtetërore. Ashtu si edhe provimet e tjera, edhe në atë të  detyrueshëm të Gjuhë Letërsisë në maturën shtetërore, kanë dalë tezat para futjes në sallat ku do mbahet provimi.

Fotot e tezave janë duke qarkulluar masivisht  në rrjetet sociale edhe pse provimi ka filluar në orën 10:00. Edhe pse  u paralajmërua se nuk do të kopjohet, diçka e tillë nuk ka ndodhur. Fotot e ndryshme të publikuar në rrjetet sociale tregojnë se sa e lehtë është të kopjosh në një provim mature dhe sa lehtë mund ta fotografosh tezën.

Nga ana tjetër, provimet e maturës zhvillohen gjithmonë në muajin Qershor dhe shpesh përkojnë me zgjedhjet. Këto të fundit kanë ndikimin e tyre në proces sepse shpeshherë nxënësve apo të afërmve të tyre, u premtohen teza e përgjigjet nxënësve në këmbim të votës.