Ish-punonjësit e Kombinatit të Poliçanit kanë dalë në protestë në qendër të qytetit duke ngritur zërin së pari përpara bashkisë së qytetit. Ata janë hequr nga puna në vitin 2014,  por nuk përfituan asnjë trajtim nga shteti në lekë apo pensione. Shumë prej tyre kanë punuar mbi 25 vjet në prodhim, montim dhe çmontimin e municioneve.

Tani ata kërkojnë që të trajtohen si 850 punëtorët e uzinës mekanike, të cilët po njesoj u shkurtuan 15 vjet më parë, por përfituan pension."Të rishikohet ligji i industrisë ushtarake", thanë ata.