Ministria e Bujqësisë ka reaguar lidhur me tonelatat e peshkut Gjucë, të cilat kanë dalë mbi sipërfaqen e Liqenit të Fierzës në Kukës.

Përmes një komunikate për mediat, Ministria e Bujqësisë, sqaron se peshku i ngordhur nuk ka ardhur nga ndonjë lëndë plasëse apo kimike.

“Thuhet, se kjo sasi peshku, është hedhur ne liqen nga peshkatarë, të cilët nuk kane mundur të shesin gjithë sasinë e peshkuar”, sqaron MM.

Megjithastë, Ministria e Bujqësisë ka dërguar një mostër për analizë, e cila do të bëjë të ditur shkakun e këtij fenomeni.

Reagimi i Ministrisë së Bujqësisë:

“Në lidhje me lajmin e publikuar sot ne disa media, për gjueti te paligjshme me lende plasëse apo kimike ne Liqenin e Fierzes, ku u konstatua nje sasi peshku e ngordhur, Ministria e Bujqësisë, Zhvillimit Rural dhe Administrimit te Ujrave sqaron se, ne bregun e liqenit te Fierzes, gjendet nje sasi e ngordhur e peshkut e llojit “Gjuce”. Fakti qe eshte vetem nje lloj peshku (gjuce, Alburnus scoranza), tregon se nuk eshte perdorur lende kimike ose dinamit, si forma te peshkimit te paligjshem dhe qe shfarosin te gjithe llojet e peshkut ne nje ekosistem. Ne vendngjarje kane shkuar Inspektori i Peshkimit, Mjedisit etj. Nga ana jone (DSHPA), eshte dhene porosi qe nje moster e peshkut te ngordhur te dergohet per analize ne institucione te specializuara. Thuhet, se kjo sasi peshku, eshte hedhur ne liqen nga peshkatare, te cilet nuk kane mundur te shesin gjithe sasine e peshkuar. Duke ju falenderuar, lutemi per publikimin e ketij sqarimi. Faleminderit!”