Lëvizja Rinore për Integrim ka zhvilluar një bashkëbisedim me maturantët ku u diskutuan problematikat dhe risitë që duhet të ketë vitin e ardhshëm për maturën Shtetërore.

Të pranishëm në këtë takim ishin deputetja Kejdi Memhmetaj, zv.Ministrja e Arsimit, Nora Malaj, kryetarja e LRI-së Floida kërpacci, Zëvendësrektori i Universitetit të Tiranës, Shezai Rrokaj dhe Dekani i Veterinarisë në Universitetin Bujqësor të Tiranës, Luigj Turmalaj

Gjatë diskutimeve me të pranishmit, Kryetarja e LRI-së, Floida Kërpaçi, bëri me dije se do të hartohet një rezolutë për t’iu dorëzuar Ministrisë së Arsimit dhe Sportit për të këmbëngulur që Matura Shtetërore këtë vit të realizohet me standarde më të larta.

Ndërsa, deputetja e LSI-së, Kejdi Mehmetaj, vlerësoi angazhimin e të rinjve në politikë si një mënyrë për të ndryshuar diçka të mirë për komunitetin dhe për të gjithë bashkëmoshatarët e tyre. Mehmetaj premtoi që çështjet e ngritura nga maturantët do të ngrihen në të gjitha nivelet institucionale.