Pas nisjes së reshjeve në të gjithë vendin, me shi dhe dëborë, edhe temperaturat duket se do të ulen në maksimum.

Sipas parashikimit të bërë nga Instituti i Gjeoshkencave, Energjisë, Ujit dhe Mjedisit gjatë pasdites së sotme dhe nesër temperaturat do të shkojë deri në -8.

Më poshtë keni parashikimin e motit:

Reshjet

Sot pasdite priten reshje në të gjithë territorin, që do të jenë mesatare deri intensive në shumicën e qarqeve dhe mund të shoqërohen edhe me shtrëngata (siç tregohet në tabelë, respektivisht për secilin qark).

Reshjet në formën e dëborës do të zbresin deri në 600m mbi nivelin e detit.

Ditën e nesërme nuk priten reshje. Shënim: në rastin e reshjeve të dëborës, 1 mm reshje = 1 cm dëborë e re

Temperaturat

Nesër temperaturat minimale dhe maksimale të ajrit pritet të arrijnë:

në bregdet: 1 °C / 12 °C

në vendet e ulëta: -1 °C / 11 °C

në vendet malore:  -8 °C / 2 °C.

Era

Sot pritet të fryjë mesatare deri e fortë në të gjithë territorin, ndërsa nesër do të fryjë e lehtë, ndërsa në zonën jugore të vendit deri mesatare.