Edhe gjatë ditës së nesërme, meteorologët parashikojnë një mot pa reshje në të gjithë territorin, ndërsa temperaturat do të jenë të ulta.
Sipas Institutit të Gjeoshkencave, Energjisë, Ujit dhe Mjedisit: Sot (e martë, dt.21) dhe nesër (e mërkurë, dt.22) nuk priten reshje në të gjithë territorin.
Nesër (e mërkurë, dt.22) temperaturat minimale dhe maksimale të ajrit pritet të arrijnë:
- Në bregdet: 7 °C / 16 °C
- Në vendet e ulta: 2 °C / 15 °C
- Në vendet malore: - 2 °C / 9 °C.
Era rritet të fryjë e lehtë, ndërsa në veri të vendit deri mesatare.
Sipas Meteoalb: Nesër, kthjellimet dominojnë ultësirën perëndimore por vranësira kalimtare shfaqen herë pas here në zonat Lindore. Edhe pasditja mbetet nën ndikimin e motit të kthjellët me vranësira kalimtare në zonat malore Lindore.
Temperaturat e ajrit do të rriten me 2 – 3°C në mëngjes dhe mesditë duke ngjitur maksimumin territorial mbi 17°C.
© SYRI.net