Trupat “dardhë” janë të shëndoshë në zonën poshtë mesit, ato depozitojnë dhjamë rreth vitheve dhe kofshëve. Sfida më e madhe për këtë tip? Rënia në peshë. Kur ne ulim kaloritë, trupi është i predispozuar të djegë fillimisht dhjamë nga zona rreth barkut.Kjo gjë është shumë pozitive për personat që kanë bark, por “dardhat” nuk e kanë problemin aty. Përkundrazi, ata kanë nevojë të ulin perimetrin në pjesën e poshtme të trupit, e cila refuzon të “tkurret”. Disa teori mbështesin faktin se rënia në peshë në zonën poshtë belit është e vështirë, pasi ajo është e lidhur me aftësinë riprodhuese të femrës dhe për këtë trupi i saj e mban fort. Një shpjegim tjetër i mundshëm është dhe prania e celulitit që e bën qarkullimin e gjakut të vështirë në depozitat e dhjamit dhe si pasojë ai nuk përdoret për energji. Nëse do të flisnim për shëndetin, këtu “dardhat” janë me fat. Ky dhjamë pasiv që ndodhet përreth vitheve jo vetëm nuk ka pasojë rrezik për sëmundje të ndryshme, por përkundrazi, ndoshta ndihmon në rregullimin e insulinës dhe në rritjen e kolesterolit të mirë.Megjithatë mbetet akoma shumë për të mësuar përse trupat në formë “dardhë” janë më të favorizuar dhe të mbrojtur nga sëmundjet.

Ushqimi për tipat e trupit “Dardhë”
Kjo dietë konsiston në reduktim të ndjeshëm të yndyrnave, sepse ky tip i trupit është i predispozuar të depozitojë dhjamë me shumë “kënaqësi”!
Një dietë e pasur në karbohidrate komplekse si drithëra, fasule; proteina si mishi i bardhë i pulës dhe peshku; fruta dhe zarzavate është e përshtatshme për të hequr kilogramët e tepërt. Krahas dietës, ushtrimi fizik do të ishte një ndihmë shumë e madhe. 30 minuta ushtrim aerobik si vrap, ecje, biçikletë nga 3 herë në javë, të kombinuara me 2 herë ushtrim force për pjesën e sipërme të trupit, do të sillte një ekuilibër midis pjesës së sipërme dhe të poshtme të trupit. Shembull ditor 1,500 kalori = 750 kalori nga karbohidratet, 375 kalori nga yndyrnat, 375 kalori nga proteinat
Mëngjesi:1 fetë buke thekre me pak gjalpë stikash ose kikiriku, 1 banane, ½ portokall, bukë thekre
Paraditja:6 krakera me fibra, 40 gr gjizë
Dreka:120 gr mish pule ose peshk me salcë domatesh të freskët dhe erëza, sallatë jeshile me fasule të kuqe, misra dhe bishtaja, karrota të ziera dhe ½ filxhan luleshtrydhe ose fruta pylli.
Pasditja:1 kupë kos pa yndyrë në formë taratori, 1 mollë jeshile ose kivi
Darka:Sallatë me brokoli ose lakër të bardhë dhe limon, sanduiç me 60 gr bukë thekre, 50 gr peshk ton në ujë ose gjoks pule ose 1 vezë të zier, djathë pa yndyrë, domate, sallatë jeshile dhe pak ullinj.
Para gjumit:Kakao me qumësht pa yndyrë dhe pak çokollatë të zezë
Living/