Bukë e zezë apo e bardhë? Zgjidhet dilema cila është më e shëndetshme

Bukë e zezë apo e bardhë? Zgjidhet dilema cila është më e shëndetshme

06:00, 21/02/2017
A+ Aa A-

Efekti i dietës tek pesha varet nga mënyra sesi organizimi i gjithkujt reagon ndaj ushqimeve të ndryshme.

Të vënë përpara zgjedhjes së bukës së zezë të bërë vetë dhe asaj të bardhë të prodhuar në masë, të paktë do të ishin ata që do të mendonin se e dyta nuk kontribuon në obezitet. Por një studim i ri ka arritur në përfundimin se nuk ekziston buka e keqe apo ajo e mirë, kur vjen puna tek rënia në peshë.

Në fakt, sipas disa studiuesve izraelitë, efekti i dietës tek pesha varet nga mënyra sesi organizimi i gjithkujt reagon ndaj ushqimeve të ndryshme.

“Ne kemi zbuluar se ashtu si për çdo ushqim tjetër, reagimi i trupit tonë ndaj llojeve të bukës është tërësisht personal. Ky efekt i personalizuar ekziston për çdo ushqim që ne konsumojmë, ndaj nuk ka as edhe një ushqim të mirë ose të keq, ose ato që quhen super ushqime.”- shprehet Dr. Evan Elinav i Institutit të Shkencave Weiszmann në Izrael.

Studiuesit testuan dy llojet e bukëve në një total prej 40 personash për disa javë. Persona në të dy grupet patën rritje të sheqerit në gjak pas ngrënies së njërës apo tjetrës bukë, por efekti i tyre në peshë ishte thuajse i njëjtë për të gjithë.

Dr. Elinav u shpreh se vendimtarë në reagimin tonë ndaj ushqimeve të ndryshme, janë bakteret në zorrët tona. Sipas tij, përpilimi i një diete specifike për çdo person, bazuar në bakteret në zorrët e tij, mund të normalizojë nivelin e sheqerit në gjak.

Buka është një burim i vlefshëm proteinash, karbohidratesh, fibrash dietike, vitaminash dhe shumë mineralesh.

Udhëzimet dietike rekomandojnë që sasia e moderuar që të rinjtë duhet të konsumojnë, është 4 ose 5 feta bukë në ditë. Njerëzit aktivë, që nuk janë mbipeshë, mund të hanë më shumë.

© SYRI.net

Lexo edhe:

Komentet

Shto koment

Denonco