Ministri i Mbrojtjes së Serbisë, Aleksandër Vulin ka thënë se Forcat e Armatosura të Serbisë, po shohin me kujdes dhe vëmendje të gjitha ndodhitë për rreth dhe janë gati për të ndërhyrë në çfarëdo kërcënimi të sigurisë së vendit dhe qytetarëve të Serbisë.

Ai ka thënë se pas vrasjes së Oliver Ivanovië, situata nuk mund të thuhet se është e qetë, shkruan Tanjug. Vulin ka thënë se ata nuk i luten askujt për të marrë pjesë ne hetimet e vrasjes së Ivanoviq, por që kërkojnë që të gjitha të dhënat të sigurohen edhe për autoritetet e tyre.

Këto deklarata Vulin i ka thënë nga vizita që i ka bërë batalionit të 21-të të këmbësorisë në Rashkë./Zhurnal