Për vrasjen e Oliver Ivanoviç, krim i ndodhur paraditen e së martës në Mitrovicë, ka reaguar edhe nipi i tij, i cili ka kërkuar hetime për rastin në fjalë.
Aleksander Ivanoviç tha për mediat serbe se nuk i intereson kush e kreu vrasjen, por kush e ka porositur atë.
“Kjo është një tragjedi e tmerrshme për të gjithë ne. Të gjithë kemi qenë shumë të lidhur”, ka thënë Aleksander Ivanoviç, nipi i Oliverit.
Vrasja ka ndodhur dje rreth orës 08:10, në rrugën “Sutjeska” në veri të Mitrovicës, para selisë së partisë së Iniciativës Qytetare -SDP.
Viktima u qëllua me 6 plumba nga një autoveturë, e cila më pas u gjet e djegur rreth 1 kilometër larg vendit të krimit.
© SYRI.net