Përfundon autopsia e trupit të pajetë të kryetarit të Iniciativës Qytetare Serbe (SPD), Oliver Ivanoviç, i cili u vra sot në mëngjes në veri të Mitrovicës. Ekspertët mjekoligjorë në trupin e tij kanë gjetur gjashtë predha nga një armë e vogël,
Autopsia është kryer nga mjekoligjorët e Kosovës në rajonin e Mitrovicës. Më herët gjatë ditës, kryeprokurori i Prokurorisë Themelore në Mitrovicë, Shyqri Syla, konfirmoi se dy prokurorë nga kjo prokurori kanë nisur hetimet për vrasjen e liderit të serbëve të Kosovës.
Policia e Kosovës njoftoi më herët se ofronte një shpërblim prej 10 mijë eurosh për cilindo që jep informacione lidhur me kryerësit e vrasjes së Oliver Ivanoviç.
Oliver Ivanoviç mund të varroset në Beograd, me kërkesë të anëtarëve të familjes së tij, transmeton Tanjug duke iu referuar burimeve të afërta me familjen.
© SYRI.net