Lajmi i fundit

LIVE/ Grupi i dialogut në komisionin e ligjeve, deklaratë për mediat

Vrasësi i Ivanoviç me maskë, e qëlloi me armë me silenciator

Vrasësi i Ivanoviç me maskë, e qëlloi me armë me silenciator

11:20, 16/01/2018
A+ Aa A-

Politikani serb dhe lideri i Iniciativës Qytetare “Serbia, Demokracia, Drejtësia”, Oliver Ivanovic 54 vjeç u vra sot në mëngjes në orën 8:20 në Mitrovicë të Veriut.

Sipas mediave në Serbi, vrasësi kishte kapuç dhe qëlloi në Ivanovic’in nga pistoleta me silenciator, e më pas e dogji veturën me të cilën u arratis.

Sipas informatave të para, gjithë pjesa veriore e Mitrovicës është nën bllokadë të fortë policore dhe janë në ndjekje të vrasësit dhe bashkëkryerësve të tij eventual. Hetimet janë në zhvillim. Ai qëlloi në Ivanovic’in derisa ai hynte në zyrat e partisë së vet.

Ivanovic’i pas sulmit u transportua në QS të Mitrovicës së Veriut, por pa shenja jete. Ndihmën e parë e kishte thirrur fqinja e cila shkonte për të blerë bukë. Ivanovic vdiq rreth orës 9:30 pasi që disa herë ishte qëlluar në pjesën e epërme të trupit.

Në vendin e ngjarjes janë gjetur 4 gëzhoja ndërsa pistoleta ka pasur shurdhues. Sulmuesi ishte me kapuç, xhaketë dimri dhe e priste Oliverin që t’i afrohet shtëpisë ku e kishte partinë, qëlloi në të dhe u arratis.

Jo larg vendit të krimit u gjet vetura e djegur “Opel Astra”, me të cilën me siguri kishte ikur vrasësi dhe e kishte djegur për ti fshehur gjurmët. Për momentin nuk dihet se a ka pasur vrasësi bashkëkryerës i cili e priste në veturë.

Nderkohë Kryetari i komunës së Mitrovicës, Goran Rakiq ka planifikuar një takim urgjent sot me përfaqësuesit e KFOR-it, EULEX-it dhe Policinë e Kosovës, në zyrën e tij, transmeton Indeksonline.

Tema e takimit thuhet të jetë gjendja e sigurisë në Kosovë, respektivisht në Mitrovicë pas vrasjes së Liderit të Iniciativës qytetare “Liri, Demokraci, Drejtësi”, Oliver Ivanoviq.

© SYRI.net

Lexo edhe:

Komentet

Shto koment

Denonco