Haradinaj shprehet për arrestimin e deputetëve të Vetëvendosjes

Haradinaj shprehet për arrestimin e deputetëve të Vetëvendosjes

12:36, 24/11/2017
A+ Aa A-

Kryeministri i Kosovës, Ramush Haradinaj ka komentuar arrestimin e deputetëve të Vetëvendosjes sot para Kuvendit.

Ai ka thënë se i vije keq për atë se çfarë i ka ndodhur sot deputetëve të Kuvendit të Kosovës, raporton Indeksonline.

Por, i pari i ekzekutivit ka deklaruar se deputetët e Vetëvendosjes duhet të paraqiten para Gjykatës sa herë që ata thirren.

“Sot ndodhi arrestimi i deputetëve të Kosovës. Tani e vërteta është se kundërshtonim marrëveshjet që mbesin rrezik për Kosovën. Ne mendojmë që ai rebelim i atëhershëm ka sjellë të mira. Ndërsa qëndrimi Aleancës atëherë ka qenë që është kundërshtim politik e jo ligjor. Unë mendoj që deputetet që kanë kundërshtuar nuk kanë pse të mos paraqiten në Gjykatë; ata nuk kanë bërë asgjë që meriton me u fshehe. Të gjithë e kemi bërë me vetëdije kundërshtimin”, ka theksuar Haradinaj.

Ndërsa sa i përket bllokadës së punës së Kuvendit që nuk po arrin të mbajë seancë normale, Haradinaj ka thënë se duhet konsensus. Sipas tij, partitë politikë ende nuk i ka lëshuar sikleti i zgjedhjeve./indeksonline

© SYRI.net

Lexo edhe:

Komentet

Shto koment

Denonco