Vendimi i Gjykatës së Hagës për Ratko Mlladiçin, i cili akuzohet për gjenocid ndaj myslimanëvë në Bosnjë dhe Hercegovinë pritet të shpallet në fund të muajit nëntor.
Pasi pala mbrojtëse kishte thënë se shëndeti i Mlladiqit është përkeqësuar, Gjykata e Lartë e Tribunalit të Hagës nuk e ka pranuar kërkesën e tyre për shtyrjen e shpalljes së vendimit. Vendimi do të shpallet më 22 nëntor, pas procesit gjyqësor që po zgjat më tepër se pesë vjet.
Ratko Mlladiç, 74 vjeç, është i akuzuar për gjenocid, krime kundër njerëzimit dhe krime të luftës për aksionet e tij gjatë luftës në Bosnjë-Hercegovinë, në periudhën 1992-95, kur ai ishte komandant i forcave serbe në Bosnjë.
Ai është i akuzuar se e ka mbikëqyrur masakrën e më se 8 mijë burrave e djemve myslimanë në qytetin Srebrenicë, në korrik të vitit 1995.
Vitin e kaluar, ish-lideri i serbëve të Bosnjës, Radovan Karaxhiç, që ishte koleg politik i të akuzuarit Mlladiq, është dënuar me 40 vjet burg nga Gjykata e Hagës./Gazeta Express
© SYRI.net