Politikani shqiptar, Florim Kadriu ka ndihmuar shumë që turkja 25-vjeçare, Funda Yilmaz, mori nënshtetësinë zvicerane.
Asaj i ishte refuzuar nënshtetësia, megjithatë, pas takimit që kishte me politikanin shqiptar ndryshoi gjithçka.
Ajo ka thënë se i ka plotësuar të gjitha kriteret dhe ishte e befasuar që ishte refuzuar natyralizimi.
25-vjeçarja në fillim ishte e dëshpëruar, megjithatë, gjithçka ndryshoi pasi mori pjesë në një tubim informativ të grupit të migracionit të Unia-s mbi ndryshimet e natyralizimit që priten nga janari 2018.
Aty kishte njohur Florim Kadriun, kryetarin e komitetit të migrantëve të Unia për regjionin Aargau, të cilin e kishte lutur për ta këshilluar dhe ndihmuar.
Pas kësaj, ajo kishte marrë mbështetje me fjalë dhe vepër edhe nga personalitete politike dhe një këshillimore.
Florim Kadriu është pjesë Partisë Social-Demokrate të Zvicrës ka dhe qenë kandidat për deputet në kantonin e Aargaus. Ai është me prejardhje nga Kërçova dhe njëri ndër politikanët që gjithmonë ka ngritur zërin për çështjen e emigrantëve.
© SYRI.net