Duke nisur nga kjo javë, vëzhguesit e emëruar nga Operacioni Ndërkombëtar i Monitorimit vijnë në Shqipëri për të mbikëqyrur procesin e Vettingut.

Sipas Delegacionit të Bashkimit Evropian në Shqipëri, ata vijnë në vendin tonë me detyrë afatgjatë.

Vendosja në Tiranë e gjithë ekipit prej tetë vëzhguesish (shtatë nga gjyqësorët e shteteve anëtare të BE-së dhe një nga gjyqësori i SHBA-ve) do të përfundojë gjatë javëve të ardhshme, bashkë me mbërritjen e stafit ndihmës për kryerjen e detyrave siç parashikohen në legjislacionin kombëtar.