Top Channel që tashmë është vetë deklaruar hapur me linjën e vetë editoriale, në shërbim të pakushtëzuar ndaj kryeministrit i ka kushtuar ditën e sotme një shënim qeverisë së pritshme, “Rama II”.

Pasi jep informacioneve se cilët ministra ikin e vijë dhe kush qëndron, në shkrim vijon një pasazh i denjë për “Zërin e Popullit” në kohën e diktaturës.

 Ja çfarë shkruhet fjalë për fjalë për udhëheqësin që ka mposhtur jo kundërshtarët politikë, por “të gjithë armiqtë” në arenën politike shqiptare.

“Sidoqoftë, Edi Rama nuk ia ka përtuar surprizave, edhe kur pushteti i tij në parti dhe mbështetja në popull kanë qenë shumë më të diskutueshme sesa sot.
Sot ai vjen nga një triumf i paparashikuar, mbi shumë armiq njëherësh, në një lojë shahu, ku ai e provoi veten si i vetmi shahist në lojë.

Nëse qeveria e re do të jetë një lëvizje e radhës në skakierë, atëherë çdo parashikim mund të rezultojë nul, në momentin kur shefi i vjetër dhe i ri i qeverisë do të shpallë ekipin e tij të radhës për ekzekutivin shqiptar”, shkruan kjo media kombëtare!

Syri.net