Pas “reprezaljes” në bllok, që kryeministri bëri me të gjithë drejtuesit e hipotekave ka reaguar edhe ish-ministri i Drejtësisë Ylli Manjani. Duke marrë shkas nga një plan që pritet të zbatohet nga Kryeministri Edi Rama, ajo e një platforme Vettingu për të gjithë punonjësit e shërbimeve ndaj publikut, duke filluar nga hipotekat, ka nxitur reagimin e ish-Ministrit të Drejtësisë, Ylli Manjani.

Në një postim në rrjetin social facebook, Manjani shkruan se të gjithë do të jenë pjesë e procesit të Vettingut. “Të gjithë do vettohen! Drejtësia, administrata edhe qeveria”, shkruan ish-Ministri.

Por Vettingut do ti shpëtojë sipas tij, shefi i së keqes. Ish-Ministri e cilëson pushtetin e Kryeministrit Rama, si mbrojtës nga Vettingu, pasi është vetë Vettingu. “Vetëm ai, shefi i të keqes, jo! Ai është vetë vettingu”.

Reagimin e tij Manjani e mbyll me fjalinë: “Ngushëllime për reformën!”.