Zëdhënësja e KQZ-së, Drilona Hoxhaj në konferencën e sotme për media ka bërë të ditur se pjesëmarrja në votime në rang vendi ka shkruar në 45.17%.

Sipas KQZ-së, deri në orën 21:40, 496 qendra votimi ose thënë ndryshe 46.55% e qendrave të votimit, kanë hedhur të dhënat për pjesëmarrjen e qyteteve në votime.

Berat – 46.77%

Dibër – 54.9%

Durrës – 40.77%

Elbasan – 46.49%

Fier – 44.87%

Gjirokastër – 46.5%

Korçë – 48.65%

Kukës – 53.38%

Lezhe – 44.7 %

Shkodër – 42.3 %

Tiranë – 48.62%

Vlorë – 35.69%

Total – 45.17% e qytetarëve kanë marrë pjesë në votime.

Pjesëmarrja e femrave në votime – 26.96 %

Drilona Hoxha u ka bërë thirrje të gjithë komisionarëve të qendrave të votimit që të hedhin dhe të komunikojnë me qendrën e të dhënave të komisionit zgjedhor dhe të përcjellin të dhënat në sistem, pasi këtë nuk po e bëjnë në mënyrë të rregullt.

Hoxhaj u ka bërë me dije qytetarëve që të komunikojnë me KQZ-në, për të raportuar për parregullsitë eventuale gjatë procesit zgjedhor. Ajo po ashtu ka bërë thirrje për raportime të drejta nga procesi zgjedhor, në mënyrë që të mos shkaktohet kaos tek publiku.