Ish-kryeministri Sali Berisha ka ngushëlluar familjen e Gjovalin Kadelit për humbjen e parakohshme të njeriut të tyre. Me një mesazh në Facebook, Berisha shkruan se iku një njeri shembullor.

Mesazhi i ish-kryeministrit Berisha:

Ngushëllim!

Të dashur miq, ndarja nga jeta para kohe nga një sëmundje e rëndë e deputetit Gjovalin Kadeli, është një lajm i hidhur për familjen, të afërmit dhe miqtë e tij që humbën njeriun e tyre më të dashur, prindin, vëllain shembullor por dhe për të gjithë ata që e kanë njohur atë si dhe për Lezhën dhe parlamentin e vendit që humbën një përfaqësues dinjitoz.

Me këtë rast, duke shprehur ngushëllimet e mia më të sinqerta familjes për humbjen e pakompensueshme, i lutem Zotit që shpirti i Gjovalinit të gjejë paqen e merituar! Ngushëllime!!