PD i përgjigjet Ramës: Në 4 vjet ndërtove narko-shtet, ne do t’i japim fund Republikës së vjetër

PD i përgjigjet Ramës: Në 4 vjet ndërtove narko-shtet, ne do t’i japim fund Republikës së vjetër

14:02, 20/05/2017
A+ Aa A-

Partia Demokratike i është përgjigjur akuzave të Kryeministrit Edi Rama nga Progri i Korçës, duke thënë se në 4 vite ai ka ndërtuar një narko-shtet.

Duke folur për premtimet elektorale, PD thotë se ka planin për transformimin e bujqësisë dhe që do të nxjerrë vendin nga varfëria.

Deklaratë e Partisë Demokratike:

  Pasi i braktisi për 4 vite fermerët shqiptarë, pasi ndërtoi një narko-shtet dhe vendosi gjithcka në shërbim të miqve dhe klientelës, Edi Rama predikon sot mashtrime të reja.

Në 4 vite, Edi Rama nuk bëri asnjë investim në infrastrukturë dhe mijëra hektarë u përmbytën rregullisht duke sjellë pasoja katastrofike për prodhimin e fermerëve.

Në 4 vite, numri i përfitueseve nga skema e subvencionit është ulur mbi 5 herë. Përfituan cdo vit vetëm 14 tregtare, kliente të qeverisë që morën mbi 70% të buxhetit të bujqësisë.

Cmimet për imputet bujqësore u rritën deri në 30%.

Cmimi i naftës u rrit me 30 përqind.

Partia Demokratike ka një projekt të realizueshëm dhe ambicioz që do të transformojë bujqësinë dhe do nxjerrë zonat rurale nga varfëria.

150 milionë euro do të investohen cdo vit në këtë sektor.

100 milionë euro në formën e subvencioneve direkte për cdo familje fermere bazuar vetëm mbi prodhimin e tyre.

50 milionë euro investime në infrastrukturë si vaditje dhe kullim, rregullim tregjesh dhe siguri ushqimore.

Prodhimet e fermerëve shqiptarë do të mbrohen përmes tarifave doganore nga importet e oligarkëve të Ramës.

Kjo do të ndodhë me 25 qershor, kur fermerët shqiptarë së bashku me qytetarët në mbarë Shqipërinë do ti japin fund me votën e tyre të lirë, republikës së vjetër që i zhvati, mashtroi dhe varfëroi dhe do të votojnë për projektin kombëtar të Republikës së Re, Republikës së qytetarëve. 

© SYRI.net

Lexo edhe:

Komentet

Shto koment

Denonco