Lulzim Basha ka komentuar vendimin e Presidentit Nishani për të dekretuar Fatmir Xhafën si Ministër i Brendshëm duke thënë se nuk është aspak e drejtë që në adresë të kreut të shtetit të ketë sentimente negative jo vetëm nga mbështetësit e opozitës, por nga askush.

Gjatë një ndërhyrje në emsionin “Dritare” të Rudina Xhungës në Vizion Plus Basha u shpreh se: “Nuk është i drejtë asnjë sentiment ndaj Nishanit për të shkuarën e Xhafës dhe për lidhjet e tij familjare me trafikun e drogës.

Në konceptin e Republikës së Re kreu i shtetit ka vetëm të drejtën për të zbatuar kushtetutën në një Republikë parlamentare. Roli i presidentit nuk është tërësisht formal sepse ai është garanti i Kushtetutës”.

Dhe duke komentuar në tërësi këtë vendim Basha tha: “Presidenti mori vendimin e tij kushtetues, por presidenti mori edhe një akt atdhetar duke i bërë thirrje parlamentit që të mos e votojë Fatmir Xhafën”.