Ambasada amerikane në Tiranë ka reaguar ndaj deklaratave të kryeministrit Edi Rama, i cili foli për një President të Unitetit Kombëtar gjatë fjalës së mbajtur në Parlamentin e Kosovës, në kuadër të 10 vjetorit të shpalljes së Pavarësisë.
Ambasada është shprehur se është mjaft e zhgënjyer nga deklarata e Ramës, duke e cilësuar gjuhën e përdorur prej tij si të shkujdesur dhe të padobishme.
“Ambasada e SHBA mbeti e zhgënjyer nga deklarata e Kryeministrit Rama mbi Shqipërinë dhe Kosovën me rastin e 10 vjetorit të Pavarësisë së Kosovës.
Gjuha e shkujdesur që aludon për bashkim është e padobishme dhe dëmton marrëdhëniet e Shqipërisë me vendet fqinje. Ne i bëjmë thirrje udhëheqësve që të jenë fqinjë të mirë dhe të lënë mënjanë gjuhën ndarëse të së shkuarës”, thuhet në reagimin e Ambasadës së SHBA.
© SYRI.net
Përgjigjen më të saktë Lu-së për "shqetësimin" e tij, ja ka dhënë ish ministrii drejtësisë Ylli Manjani
Rrofte Amerika! Poshte kinezi Lu i korroptuar me dollaret e droges!
Pune e madhe pse u zhgenjye Lu -ja. Ai nuk po shqetsohet per problemet me madhore, u shqetsoka per gjuhen.
Genjeshter me bisht. Aspak nuk jeni te zhgenjyer nga njeriu juaj pasi e keni njohur mire qe me pare qe ka luhatje humori, ndryshe nuk do e kisht zgjedhur!
Duhet te ishit zhgenjyer pak me heret me kanabizimin e vendit, me horrat e kriminelet qe futi ne parlament, me spiunet e sigurimit te enver hoxhes ne organet e vetingut e mbi te gjitha, me voten kunder ShBA.