Beteja me dekanët, Mynyr Koni: Grup i strukturuar në UT, që influencon për të thithur fondet

Beteja me dekanët, Mynyr Koni: Grup i strukturuar në UT, që influencon për të thithur fondet

14:55, 19/02/2018
A+ Aa A-

Dy struktura paralele për menaxhimin e universitetit të Tiranës, në fushën akademike dhe atë financiare, Ligji i ri për Arsimin e Lartë i ka nxjerrë sot në fushëbetejën për më shumë kompetenca. Bëhet fjalë për rektorin dhe administratorin, senatin akademik dhe bordin e administrimit. Së paku, këto janë ato që duken.

Çështja u implikua më tepër kur javën e kaluar katër dekanë, nga gjashtë fakultete që ka Universiteti i Tiranës, bënë publik lajmin se prej kohësh i kishin kërkuar ministres shkarkimin e rektorit, Mynyr Koni, duke u pozicionuar kështu hapur në palën tjetër të konfliktit.

Në një intervistë për “Panorama“, rektori Koni sqaron arsyet që qëndrojnë pas këtij qëndrimi dhe rrjedhën e përplasjes me debatet dhe pakënaqësitë midis tyre. Po ashtu, ai jep prova të forta të lidhjes së dekanëve me administratorin dhe bordin e administrimit, ndërsa akuzon këta të fundit për shkelje të rënda ligjore përgjatë më shumë se një viti në drejtimin e universitetit.

“Për mendimin tim, ai është një grup i strukturuar në UT, i cili si gjatë kohës që ka drejtuar dhe tashmë me mbështetjen e institucioneve të tjera, kërkon në mënyrë të vazhdueshme të influencojë për të thithur fondet nëpërmjet kontratave të ndryshme apo të ardhurave që krijohen nga tarifat e studentëve. Në bord, ndonëse një pjesë janë emëruar nga universiteti dhe një pjesë nga ministrja, ata janë një grup union. Në këto kushte, për gjykimin tim, kjo përbërje e bordit të administrimit është totalisht një thyerje e autonomisë”, shprehet Koni.

Sipas tij “Funksionimi i kësaj strukture, që nuk ka llogaridhënie në Senat do të thotë një dhunim i strukturave akademike. Nga ana tjetër, kancelari dhe më pas administratori nën mbështetjen e bordit, kanë krijuar probleme të jashtëzakonshme në Universitetin e Tiranës, të mbështetur tashmë dhe nga 4 dekanë, me qëllim për të plotësuar interesat dhe për të dominuar UT-në për qëllime të errëta”. 

© SYRI.net

Lexo edhe:

Komentet

krasasi tp19/02/2018 16:06

Cdo njeri gabon,por keta gabojne sistematikisht.Ky ish Rektori dhe sot kapter i dekaneve, si shume ne hall eshte.Shantazhi i z.Rama per "prerje kokash"nuk ka si mos te drejtohej se pari ndaj tij, por edhe shoqerise se tij qe e ka qeverisur Universitetin per nje kohe te gjate.Ose duhet te japin doreheqjen dekanet, ose tu hapen letrat.Lufta ndaj Munyr Konit ka filluar pa u kurorezuar akoma.Dhe lufta vazhdon.Sigurishte nga Ata qe e vleresojne Universitetin si minier ari, ku placka, pastaj sherbimi ndaj politikes dhe ne fund arsimimi ,vijne ne radhe si prioritete.Te behen amendime ne ligjin per Arsimin e Larte.Ne nje ndermarrje shefi i finances jep llogari, nuk eshte qeveri me vete.Ose perplasja Qeveri-Universitet do meret si nje perpjekje e Z.Rama per ta destabilizuar situaten ,sabotuar Reformen ne Drejtesi dhe lenien e qeverisjes me marifet.Pra nje menyre per te provokuar zgjedhje me kete kod zgjedhor.Nje zgjidhje perfekte per te gjithe politikanet e kazanit, por jo per qytetaret.

Shto koment

Denonco