Plotfuqishmëria/ Manjani: Presidenti drejton në themel negociatat, qeveria në shërbim të...

Plotfuqishmëria/ Manjani: Presidenti drejton në themel negociatat, qeveria në shërbim të...

21:04, 14/02/2018

Ylli Manjani, ish-ministër i Drejtësisë, përmes një postimi në rrjetet sociale ka sqaruar se sipas Kushtetutës, Presidenti i Republikës  i drejton në themel negociatat, natyrisht nëpërmjet negociatorëve zyrtarë që Ai cakton! Padyshim edhe me negociatorë të propozua nga Qeveria. Reagimi i Manjanit erdhi pasi ministri i Jashtëm, Ditmir Bushati, i ka kërkuar protfuqishmërinë Presidentit Ilir Meta lidhur me negociatat mes Shqipërisë dhe Greqisë, të cilat përfshijnë edhe përcaktimin e kufirit detar mes dy vendeve.  

Komenti i Ylli Manjanit

Një sqarim kushtetues.

——————

Ka një keqkuptim të madh me kërkesën e qeverisë për Plotfuqishmëri, që kërkon nga Presidenti i Republikës për të negocuar e nënshkruar marrëveshjen e kufirit detar me Greqinë.

Sipas Gjykatës Kushtetuese me numër 15 i datës 15.04.2010, vendim i cili është pjesë e Kushtetutës, Presidenti në këtë rast nuk lëshon thjesht një autorizim dhe rri e pret!

Jo!

Presidenti i Republikës i drejton në themel negociatat, natyrisht nëpërmjet negociatorëve zyrtarë që Ai cakton! Padyshim edhe me negociatorë të propozua nga Qeveria!

Kërkohet të lidhet një marrëveshje ndërshtetërore me natyrë politike, ndaj Gjykata Kushtetuese, pra Kushtetuta, ka mandatuar Presidentin ta drejtojë këtë proces.

Pa dyshim Qeveria nuk përjashtohet, por ajo duhet thjesht në vihet në shërbim të negociatave që duhet të drejtohen nga kryetari i Shtetit.

Pra me pak fjalë, qeveria ska pse kërkon plotfuqishmëri, por të vihet në shërbim në ekipit negociator!

Kjo ështe qasja e duhur dhe korrekte me përcaktimet Kushtetuese.

Këtë sugjeron dhe vendimi i Gjykatës Kushtetuese që u inicua nga Partia Socialiste që sot qeveris e vetme.

Shpresoj që kjo gjë tashmë të mos ketë debat...

© SYRI.net

Lexo edhe:

Komentet

Shto koment