Pa përgjegjshmëria e kryeministrit të vendit, nuk njeh kufij. Edhe pse sot në mëngjes bilanci i përmbytjeve vetëm pas një dite shi është katastrofik, ai merr guximin dhe u uron shqiptarëve mirëmëngjesi me disa pamje-fasadë nga nata e djeshme, që nuk pasqyrojnë aspak realitetin e asaj që po ndodh në Shqipëri.

Ndërsa aeroporti i Rinasit që prej orës 21.00 u bë jo funksional, dhjetëra familje e kaluan natën jashtë, ku shtëpi, qindra hektarë tokë e shumë  biznese e kanë gjetur veten nën ujë, kryeministri poston foto nga pastrimi i gjetheve në rrugët e Tiranës.

“Me këto pamje të aksionit të të gjithë strukturave të shtetit për të normalizuar situatën e shkaktuar nga reshjet dhe gjendur pranë njerëzve të prekur, ju uroj një ditë të mbarë”, shkruan Edi Rama.

Por cinizmi dhe papërgjegjshmëria e të parit të vendit, ka revoltuar shumë komentues.

Orgest Sotiri i shkruan me ironi: Në qoftë se realiteti në Shqipëri do të ishte si në fotot tuaja. Atëherë filmat amerikanë, nuk do të kishin më vlerë…

Kurse Azmi Çulla është edhe më i revoltuar; “Po aty ato pamje ke, po Shqipëria është nën ujë mor i mjerë,po ku do t`ja dish ti dhe Mirela Kumbaro, që e ka mendjen të zbardh dhëmbët vetëm.

Kurse një komentues tjetër e pyet kryeministrin: Do të mbajë njeri përgjegjësi për mbylljen e kanaleve kullues në autostradën Tiranë-Durrës, apo jo?! Në pritje……