Përfundimi i mandatit të Prokurorit të Përgjithshëm Adriatik Llalla në fillim të dhjetorit krijon një ngërç në kushtet e kornizës së re ligjore. OPDAT dhe Euralius kanë dhënë rekomandim se si mund të veprohet.
OPDAT shprehet: "Në situatën që paraqitet këtu, duket se dispozitat kalimtare përcaktojnë të drejtën dhe detyrimin e Kuvendit të zgjedhë një prokuror të lartë, i cili plotëson kërkesat e neneve 22 dhe 27 të ligjit, si prokuror i përkohshëm me shumicë të thjeshtë, në prani të më shumë se gjysmës se të gjithë anëtarëve të Kuvendit.
Nuk ka autoritet kushtetues ose ligjor për parlamentin që ta zgjasë mandatin e Prokurorit të Përgjithshëm aktual mbas skadimit të mandatit të tij.
Përkundrazi, ekziston një dispozitë e qartë që urdhëron emërimin e një Prokurori të Përgjithshëm të përkohshëm,” thuhet në rekomandim.
© SYRI.net