Çështja Tahiri dhe dosja Habilaj cilësohen nga akademiku Artan Fuga si katrahura që nuk mund të kontrollohen. Fuga shprehet për Report tv se Tahiri natyrisht që mund ta minojë, kjo mund të ndryshojë trendin.

“Do të kemi të reja nga hetimi i grupeve që janë tashmë në Itali. Drejtësinë e ka në dorë drejtësia italiane. Në kushtet aktuale dosja është në duart e drejtësisë Italiane dhe kam besim te drejtësia italiane. Kjo është një nga dosjet që unë i quaj ‘katrahura’ që nuk mund të kontrollohen”, shprehet Fuga.