Pas publikimit të dokumentit për dënimin e Dritan Zaganit nga ana e kreut të grupit parlamentar të PS-së, Taulant Balla reagon deputeti i PD-së, Enkelejd Alibeaj.
Ish ministri Alibeaj shkruan se Balla konfirmoi edhe zyrtarisht gënjeshtrën që Edi Rama tha në emisionin “Zonë e Lirë” për Dritan Zaganin.
Ndryshe nga Rama, Balla zbuloi se vendimi për Zaganin është i gjykatës së Vlorës, dhe jo i Krimeve të Rënda dhe është për largim nga vendi, jo për shpërdorim të detyrës.
Reagimi
AUTOGOLI I RAMËS: BALLA KONFIRMON ZYRTARISHT GENJESHTRËN PËR ZAGANIN
Para dy ditësh Rama gënjeu drejtpërdrejt miliona shqiptarë, kur për të mbrojtur Tahirin dhe Habilajt, sulmoi përsëri Dritan Zaganin si “të dënuar nga Krimet e Rënda”. Sot për të dytën herë radhazi Balla konfirmoi zyrtarisht gënjeshtrën e Ramës:
1. Vendimi është i gjykatës së Vlorës, dhe jo i Krimeve të Rënda, sic tha Rama.
2. Është për largim nga vendi, jo për shpërdorim të detyrës.
Pasi Zagani zbuloi dhe denoncoi trafikun e drogës së Habilajve, Saimir Tahiri dërgoi oficerët e shërbimit të kontrollit të brendshëm të Ministrisë së tij dhe e arrestoi në mes të natës.
Po këta vartës të Tahirit e paditën Dritan Zagarin në prokuroirnë e krimeve të rënda. Por akuzat e tyre ishin kaq të pabaza sa Prokuroria e Krimeve të Rënda nuk e mori përsipër hetimin dhe ja kaloi çështjen Prokurorisë së Vlorës vetëm për shpërdorim detyre.
Dritan Zagani u largua nga Shqipëria sepse zbuloi se krimi dhe qeveria ishin bërë një. Zagani e kuptoi para të gjithëve se Tahiri dhe Rama ishin në shërbim të krimit dhe të vetmit oficerë policie që ata toleronin ishin ata që ngarkonin thasët e drogës dhe fiknin radarët. Zagani iku sepse e kuptoi se jeta e tij dhe e familjes së tij ishin të rrezikuara. Zvicra i dha azil politik.
Siç janë detyruar ta pranojnë vetë, dhe sic faktojnë përgjimet e Antimafias, për katër vite krerët e policisë kanë bashkëpunuar me trafikantët. Por në këto katër vite, Saimir Tahiri dhe Edi Rama kanë akuzuar, arrestuar dhe sulmuar vetëm një njeri: Dritan Zaganin. Kjo tregon më thjeshtë se gjithcka se në anën e kujt kanë qenë Saimir Tahiri dhe Edi Rama.
Pas gjithë këtij persekutimi, dëshpërimi dhe paniku i Edi Ramës tani ka arritur në nivele të tilla sa kërkon mbrojtje prej Taulant Ballës. Që ky i fundit e nxorri Ramën bllof dhe zyrtarisht gënjeshtar, është sa shenjë e trashjes së tij, aq edhe triumf i Dritan Zaganit dhe të vërtetës mbi Edi Ramën.
Postimi i Taulan Ballës
© SYRI.net
Pinjollët e atyre që masakruan me dhjetra mijra shqiptarë me prova të manipuluara dhe dëshmitarë të rremë, po vazhdojnë rrugën e etërve megjithëse jemi prej 10 vjetësh antarë të NATO-s. Në fillim e akuzuan Dritan Zaganin për krim të organizuar dhe donin ta dënonin 10-20 vjet burg. Pastaj kur kjo akuzë ju shkërmoq nga "Krimet e Renda" vendosën ta denojne me Gjykatën e Fatmir Xhafës me 7 vjet per shperdorim detyre. Kur Zagani ju bëri glasën dhe fluturoi në Zvicër, vendosen ta denojnë shpejt për arratisje nga vendi i dënimit me 3 vjet dhe ti kërkojnë Zvicerës ekstradimin e tashmë të dënuarit Dritan Zagani. Të ka rujt zoti o Dritan Zagani, se nga bandat e qeverisë mund të përfundoje si Corrado Cattani.