Kryeministri Edi Rama ka zhvilluar pasditen e djeshme një takim ‘kokë më kokë’ me Saimir Tahiri. Burimet e cituara nga media, thonë se takimi është zhvilluar dje pasdite në orën 15:30 minuta dhe vendi ka qenë kryeministria.

Takimi është shoqëruar me debate dhe ngritje zëri, kryesisht nga kryeministri Edi Rama

Rama i ka kërkuar Tahirit një përgjigje në lidhje me pozicionet e tij, tani pas publikimit të dosjes “Habilaj”, ku përmendej edhe emri i tij.

Tahiri është kreu i Partisë Socialiste në Tiranë dhe koordinator kombëtar për bashkëqeverisjen në PS. E me sa duket Rama ka kërkuar dorëheqjen nga këto detyra të Tahirit.

Por në takimin e djeshëm nuk ka pasur asnjë hap pas nga ish-ministri. Pritet që në orët në vijim të ketë edhe një vendim të tijin në lidhje me marrëdhënien me PS-në dhe mandatin e deputetit.