Donald Trump hyri në debatin e dytë presidencial duke kërcënuar se do të shkarkonte inatin e çdo akuze dhe thashethemi seksual mbi Hillary Clinton. Dhe e bëri!

Akuzat e pahijshme seksuale të Bill Klintonit! Gjyqin ku përfaqësonte dhe mbronte një përdhunues fëmijësh ?  Ai madje në mënyrë spektakolare deklaroi se kundërshtarja e tij demokrate duhet të ndodhej në burg. Zonja Clinton arriti të ta kthente situatën në favor te saj duke thënë se videoja e paligjshme e komenteve seksuale tregoi Trumpin e vërtetë.

Gjatë një replike për armët bërthamore, Trump edhe pse duke fituar, nxori  në pah se dobësia e tij është mos informimi mbi cështjet politike.

Nga ana tjetër, Clinton, ka pasur mjaft kohë  për të ofruar një edhe një përgjigje të “ngatërruar” mbi serverin e saj të emailit dhe në thelb të konfirmonte se Wikileaks i kishte vjedhur transkiptet e fjalimeve.

Trump bëri nj sallatë të vërtetë me përgjigjet  rreth reformës së kujdesit shëndetësor dhe politikën Siri.  Por një gjë është e sigurt, nga studioja ku po mbahej debati, të dy kandidatët ishin  barazim.

Çfar ndodhi tjetër?  Epo këto ishin pikat më të nxehta ët debatit

-Trump tha se nuk kishte paguar tatimin mbi të ardhurat federale për 18 vite rrjesht sepse e dinte “kodin e taksave”.

-Republikani vazhdimisht ankohej për moderatorët duke thënë se nuk po tregoheshin të paanshëm.

-Clinton tha se ajo nuk do ta autorizonte përdorimin e forcave tokësore amerikane në Siri.

-Nga ana Trump  pranoi se ai dhe kandidati për zëvëndës President, Mike Pence, nuk kanë rënë ende dakort për përdorimin e forcës në Siri

-Por ai nuk pranoi të përgjigjej kur moderatorja ,Martha Raddatz, nguli këmbë për një strategji ushtarake

 -Clinton gjithashtu mbrojti komentet polemike mbi një fjalim pas  publikimit të disa emailve të bëra publike të shtunën dhe po flasim për trasnkriptet e fjalimeve në Wall Street.

Por para debatit debatit kandidati Republikan vendosi të shfaqej në një konferencë të veçante me ish të dashurat e Bill Clinton

Pra, kush ishin këto femra?

Trump u shfaq me Paula Jones, një ish-punonjës i shtetit, e cila ngriti një padi për ngacmim seksual kundër zotit Clinton për 850,000 dollarë në vitin 1999.

Juanita Broaddrick, e cilia pretendonte zoti Clinton e përdhunoi në një dhomë hoteli në vitin 1978, gjithashtu u shfaq me  Trumpin.

Bill Clinton ka mohuar pretendimin me anë të avokatit të tij dhe asnjë akuzë nuk është ngritur kundër tij.

Gruaja e tretë ishte Kathleen Willey, një ish-ndihmëse e Shtëpisë së Bardhë e cila tha zoti Clinton deklaroi në vitin 1993, Bill e kishte ngacmuar seksualisht në zyrën e saj

Zoti Clinton e ka mohuar edhe këtë pretendim.

Kathy Shelton,  gruaja e katërt që i foli, ishte ndeshur me zonjën Clinton në një rast penal, kur ajo ishte 12 vjeç.

Në fillim të karrierës ligjore Clintonit iu caktuar të mbrojte përdhunuesin e zonjës Shelton, dhe bëri që dënimi i tij të reduktohej nga burg  në një pagesë të vogël.

Vite më vonë, një video-regjistrim zonja Clinton shihet duke folur me një gazetar, ku mund të dëgjohet duke qeshur me të madhe në lidhje me rastin.

/Përshtati Syri.net/