Ekspertiza e importit na mëson: Rakia bëhet nga rrushi

Ekspertiza e importit na mëson: Rakia bëhet nga rrushi

Nga Ylli Manjani - 22/11/2017

Para disa ditësh, kur Johanes Hahn takoi Presidentin e Republikës, ky i fundit “u ankua” se EURALIUS nuk i kishte dhënë dot një interpretim se si mund të dilet nga ky kaos post reformë, që ka kapluar shtetin.

Këtë qëndrim të Presidentit e kritikova në një reagim timin me titull “Besimi tek shteti nuk Importohet”.

Por, dje u emetua në media një mendim i shkruar i EURALIUS dhe OPDAT, që me pak fjalë na lexojnë një çerek fjalie të një neni tranzitor të ligjit për Prokurorinë.

Pa i hyrë përmbajtjes së atij arsyetimi (i ngjashëm me të studentëve të juridikut), më bëri përshtypje fakti që: Presidentit të Republikës nuk i qenkan përgjigjur, ndërsa interesit të Kryeministrit dhe grupit të tij, i janë përgjigjur menjëherë!

Dhe me ç’përgjigje! Me atë që Ai do të dëgjojë vetë dhe tja thotë dynjasë. Por meqë dynjaja nuk e beson më, mendimi i EURALIUS dhe OPDAT botohet, që të duket si “urdhër ndërkombëtar”!!! Palaçollëk i njohur ky!

Nëse i hyjmë thelbit të mendimit që kanë shkruar, padyshim të kujtohet vetëm shprehja “rakia bëhet nga rrushi”. Kjo shprehje përdorej gjerësisht për të përkufizuar nivelin bajat të ekspertizës së huaj që ka ardhur në Shqipëri prej vitesh!

Sidoqoftë, është e vërtetë që ajo çerek fjalie tek një nen tranzitor i ligjit të Prokurorisë thotë se Kuvendi cakton ( pra nuk zgjedh) një prokuror me përvojë që të drejtojë Prokurorinë, në kushtet kur KLP nuk është krijuar ende.

Por a mund të na thotë EURALIUS dhe OPDAT, cfarë ndodh me nene e paragrafë të tërë të Kushtetutës së vendit që nuk zbatohen qëllimisht, për të shkuar po qëllimisht tek ajo çerek fjalie?!!

Nuk po i bëj këtu pyetjen tjetër se me çfarë shumice e cakton “Prokurorin e përkohshëm” Kuvendi! Nuk po jua bëj se nuk i përgjigjen dot ashtu siç duhet interesit të “porositësit”...

E pra Kushtetuta kërkon që Prokurori i Përgjithshëm të zgjidhet me 3/5 e anëtarëve të Kuvendit. Madje po kjo Kushtetutë (e shkruar nga EURALIUS dhe OPDAT) thotë në nenet tranzitore të saj se “ Prokurori i parë i Përgjithshëm i pas miratimit të Kushtetutës zgjidhet me 2/3 e deputetëve”.

Ndërkohë ai “çerek-çuryk- neni” që preferojnë të lexojnë këta, nuk përmend shumicë. Tani cili ligj është më i rëndësishëm, Kushtetuta (e miratuar me Konsensus absolut)apo ligji i Prokurorisë (miratuar me zor të madh me 84 vota)?! As këtë nuk e thotë EURALIUS e as OPDAT!

Pra pesë me hiç!

Nuk po ngre këtu çështje të tjera, të cilat në fakt janë origjina dhe shkaku i kaosit më të madh shtetëror, që po përjetojmë.

As kur ndërroi regjimi në vitet 90 nuk e kemi parë këtë kaos. Edhe atëherë bëmë vetting, kushtetutë e ligje të reja, por shteti vijoi të funksionojë.

Kurse sot shteti nuk ka as Gjykatë të Lartë, as Gjykatë Kushtetuese, as organe disiplinore për gjykatë e prokurori, për pak ditë as Prokuror të Përgjithshëm, pra asgjë! Ka vetëm një thertore që kërcënon gjykatës e prokurorë, që quhet Vetting dhe asgjë tjetër!

Dhe ky kaos ka ardhur me kontributin e shquar dhe të papërsëritshëm të EURALIUS dhe OPDAT.

Por e lëmë këtë temë se formalisht përgjegjës është Kuvendi i Shqipërisë, që e “paçim sa malet”!

P.S. Të gjithë ju që do nxiteni të më shkruani se “pse nuk i thashë këto gjëra kur isha ministër”, ju kujtoj se kam thënë publikisht në tekst:

“Shqipëria nuk është Republikë e Ekspertëve”!!!

E kam thënë publikisht nga detyra publike që kryeja. Nuk po ju them për qëndrime konstante në takime zyrtare, për këto çështje!

Shëndet e të na rrojnë ekspertët se shteti është në drejtim të paditur!

© SYRI.net

Lexo edhe

Komentet

lAVDERI22/11/2017 15:56

BRAVO SONJA, PERFAQESON EDHE MENDIMIN TONE. mE PELQEN PERSHKRIMI MJAFT KOHOR PERNE TE GJITHE QE PO JETOJME NE SHTYPIEN E NORIEGES QE NA KA BLERE EUROPEN E MBASE EME SHUME. POPULLI NUK PO TREGO ATE QE PO VUAN, NUK PO TREGO SE E ARDHEMJA E FEMIJEVE TE TYRE DO JETE SHKATERRIMI. MENDO O POPULL PER PERPARIMIN SI AMERIKA EKAQ.

Sonja22/11/2017 14:56

Kjo do te thote qe Tahiri do te zgjedhi dhe do te emroj Prokurorin e vet. Ka ku rri kjo ? Eshte shume banale dhe shume fyese. Rama kerkon drejtesi, kerkon vetingun qe do te thote se drejtesija, gjykatsi, prokurorija, eshte vete ai per te gjitha. Persa koh ska popull, ska nerv, ska opozit (opozita vazhdon marveshjen, lojen..turp ..), beni si te doni..ky popull ja conte gruan sekretarit te partis dikur, per ti rregulluar nje vende pune, prandaj ske cfare te presesh .....

Sonja22/11/2017 10:49

I dashur Manjani.
Jeni duke bere gjene e duhur duke shprehur te vertetat e atyre qe po ndodhin ne vendin e femijve tane. Por nuk mjafton me kaq, duhet me shume, duhet bashkim dhe ngritje popullire ( nese ky popull po e kupton se cfare po i ndodh)

Ne te gjitha keto qe po ndodhin, eshte shume e thjesht, gjitheshka qe behet ketu, behet me miratimin e nderkombetareve ( ose me mire, ata jane pjes ne to) . Mos prisni reagime nga nderkombetaret, ata do ti mbyllin te gjitha. Ne Shqipri nuk ka per te pasur as shtet, as drejtesi, vendi do te mbetet ne duar te narkove dhe te krimit. E.Rama eshte njeriu i plotfuqishem ne kete vende. Ai sundon partin me forcen e tij dhe te gjithe i ka nen kembe. Presidentin e vuri ai dhe ai munde ta heqi, mediat i ka blere te gjitha, policin, drejtesin, prokurorin, gjykatat i ka marre tashme ne duart e tij, intelektual e njeres te shquar i ble apo kercenon, opoziten e ka vene barkas ti lepij kembet, pak nga pak ti dhe te tjere si nuk do te munden te flasin dot... popull zgjohu, student , petagog e intelektual zgjohuni, neser do te jete shume vone.

korabi22/11/2017 10:34

I ke then more vlla po ku te je thashe.Te zgjithet prokurori me 71 vote ,do te thot te mbyllen te gjitha dosjete e edvinve, tahirve ,vangjushve,gjknurve e te tjer.Nuk keni pa gje akoma keshtu tha lideri nderkombtare

Shto koment