Mjegulla e Reformës fiks për ujqërit e Rilindjes

Mjegulla e Reformës fiks për ujqërit e Rilindjes

Nga Ylli Manjani - 07/11/2017

Një dreq (zoti ska më punë) e di se nga e me ç'ligj duhet të nisë fillimi i ndërtimit të Institucioneve të reja pas miratimit të reformës në drejtësi!

Të gjitha përcaktimet dhe afatet e dakortësuara me konsensusin e 21-22 Korrikut 2016 në Kuvend, të cilat janë fiksuar në nenet tranzitore të Kushtetutës tashmë kanë rënë. Shumica e tyre ka rënë ende pa u zbatuar.

Tipike Shqiptare kjo sjellje që miratohet ligji dhe nuk zbatohet në kohë!

Kuvendi ka dështuar të ngrejë institucionet themelore të drejtësisë. KLGJ (Këshilli i Lartë Gjyqësor); KLP (Këshilli i Lartë i Prokurorisë); Prokurori i Përgjithshëm konsensual; dhe Inspektori i Përgjithshëm, nuk janë emëruar ende!

Kuvendi krahas debatit të pafundmë politik është zhytur edhe në ngërçin e budallëqeve të veta që ka shkruar në Kushtetutë. Nuk dëgjuan asokohe asnjë llogjikë të arsyeshme për formulime kushtetuese fleksibël. Sot në Kushtetutë kemi budallëqe të tipit " duhet të jesh më gradë shkencore" që të emërohesh në gjykatë Kushtetuese. Kulmi!

Kushtetutë unike kjo! Ndaj dhe s’ka se si të zbatohet! Pra juristët duhet të jenë , përveç me përvojë mbi 15 vite, edhe doktorë shkencash, të mos jenë përfshirë në politikë, të mos kenë pasuri e të tjera si këto. As në Kubë nuk gjenden më këto lloj profesionistësh!

Dështimi më spektakolar është në mos gjetjen e kandidatëve të zotë madje as nga profesorati për të zënë vendet e KLGJ dhe KLP.

Presidenti, për arsye të pa shpjegueshme, nuk ka arritur të plotësojë vendet vakante në Gjykatën Kushtetuese.

Ndërkohë Gjykata e Lartë është në kolaps sepse cështjet i shtohen për ditë ndërkohë që gjyqtarët i pakësohen! Kush pret nje vendim te shpejtë gjykate, ta harrojë! Askush nuk të jep as vendim e as përgjigje!

Prokurori i Përgjithshëm, të cilit i mbaron mandati, nuk dihet se si do të zgjidhet pa KLP. Kushtetuta e kërkonte Prokurorin e parë të Përgjithshëm të zgjidhej më 2/3. Ne vijim tjetri me 3/5. Tani po katandiset emërimi me 36 deputetë.

E vetmja gjysëm-gjëje e ngritur është struktura e Vetting, e cila që të funksionojë normalisht i duhet ende të plotësoje veten me administratë dhe rregulla të brendshme. Ndërkohë përbërja e tyre mbetet ende problematike sepse disa prej tyre janë persona që kanë qenë subjekte procedurale e organeve të drejtësisë që do vettojnë! Ka një nxitim të dukshëm në këtë strukturë për të marrë vendimet e para VIP... kjo tregon se struktura po përdoret POLITIKISHT!

Nuk di më askush cili ligj është në fuqi! Të vjetrat që nuk zbatohen më apo të rejat që s’ka kush ti zbatojë?! Kushtetuta që ka dalë nga fuqia, sapo hyri në fuqi, apo ligjet në zbatim që bien ndesh me të?!

Pra KAOS!

Mjegull, jo e pa paralajmëruar, me thënë të drejtën! Nuk donin të dëgjonin, kur ju thamë të jenë të kujdesshëm me ligjet e reja!

Në mjegull vetëm ujqërit gëzohen! Koha po e provon këtë proverb. Ujqërit po japin urdhra për ndëshkime politike me vetting!

Kjo është mjegull dhe vështirë të duket qëllimi i vërtetë me sy të lire. Por ata që kanë në dorë të ndërtojnë sistemin e ri, duhet ta bëjnë në interes të shtetit e shoqërisë dhe jo të Rilindjes!

Shenjat nuk janë të mira!

© SYRI.net

Lexo edhe

Komentet

ernest07/11/2017 16:32

Epo te dalesh ti e te shesesh mend sikur ju clirutat shqiprine eshte qesharake. Po ju o Manjan e rrenuat vendin e vodhet sa deshet. Mos ju frikeso reformes se do sdo ti reforma ne drejtesi do behet.

Geni07/11/2017 16:26

Nje dreq ti o Manjan qe ke fytyre e del e flet. Po ti deshtove mo e sdite te beje asgje sic duhet. Kaosin me te madh e shkaktuat ti me qeverine tende te deshtuar.

elio07/11/2017 16:14

Ne KAOSI-n me te madh vendi yne ka qene disa vite me perpara ku ju qeveria deshtake pd e lsi sdinit te qeverisnit dhe e rrenuat vendin. Rrenim te madh pa vendi nga ju por sot po rnigrihet e po ndertohet sic duhet me baza te fuqishme ligjore!!!

Spiro kserpo07/11/2017 15:56

Po po flet tii qe merresh vetem me llafe. Mir qe sbere gje po u bere penges per reformen ashtu sic po behet lsi tanii

krasasi tp07/11/2017 15:52

Mos ki pike dyshimi.Kryeprokurori do zgjidhet si zakonisht, me konsensus.Rrofte "konsensusi". Rrofte mazhoranca dhe opozita konsensualiste.

Shto koment

Denonco