Kush po ja ul ‘faturën’ Edi Ramës

Kush po ja ul ‘faturën’ Edi Ramës

Nga Astrit Patozi - 24/10/2017

Edi Rama e ka marrë të plotë faturën për çështjen “Tahiri”. Ajo është politike, ashtu siç në fakt duhet të ishte dhe nuk e kuptoj pse dikush nga Partia Demokra­tike po kërkon ende një fitore që, në fakt, është arritur një herë.

Prangat në duart e Saimir Tahirit mund të kenë vlerë për di­kë që mund të ketë pasur hesape personale me të, ose për ndo­një shqiptar, që këna­qet vetëm kur e sheh tjetrin në hall (si­domos kur ai është personazh i njohur), por jo për opozitën. E cila, kryesisht për shkak të policisë italiane, por edhe e ndihmuar nga vetë qeveria në vështirës­i, ka arritur të kor­rë një sukses të buj­shëm politik.

Është humbje kohe të merresh me debatin në kishte të drejtë apo jo mazhoranca të rrëzonte kërkesën e prokurorisë për ar­restimin e Saimir Ta­hirit. Sipas meje, qeveria nuk ka shkelur ndonjë ligj e, aq më pak kushtetutën, kur ka marrë atë ven­dim, sepse ka shfryt­ëzuar një të drejtë të vetën. Të cilën ia jep një copë e imu­nitetit për politika­nët dhe njerëzit e drejtësisë, e cila u ruajt e paprekur në ndryshimet e famshme të vitit 2012.

Por përtej kësaj, ajo është vetëzbuluar lakuriq para shoqër­isë, duke treguar se cfarë është për të raporti i politikës me krimin, por edhe ai me drejtësinë. E thënë ndryshe, jurid­ikisht Edi Rama nuk ka bërë ndonjë shkel­je, por moralisht ai është i vdekur dhe i pakallur.

Sepse në rastin e parë që iu paraqit një mundësi për të tre­guar se është i paka­pur nga krimi dhe fi­jet e tij, ai demons­troi të kundërtën. Edi Rama kishte dy op­sione përpara vetes, të tregonte se ai voton symbyllazi sa herë që drejtësia e kërkon atë vetë apo një nga të tijët, apo që të shfrytëzojë një hapësirë të ngush­të ligjore për të fs­hehur kokën si struc­i.

Kryeministri zgjodhi të dytën dhe kjo është rrethanë e mjaf­tueshme që opozita ta konsideronte të mb­yllur betejën e vet, duke u përqëndruar tek shpjegimi politik i kësaj që po ndodh dhe jo tek nenet e kushtetutës dhe të Kodit Penal që, sipas saj, po shkelen.

Nesër është dita e finalizimit të kësaj sage të neveritshme dhe turpëruese për Shqipërinë dhe fatke­qësisht debati ka de­graduar se si do të jetë raporti i votave pro dhe i atyre ku­ndër arrestimit të Saimir Tahirit. Ndërk­ohë, që kjo nuk duhet të kishte asnjë vl­erë, sepse askush në Shqipëri nuk ka ndo­një kuriozitet për numrin e deputetëve, që secila parti ka në parlament.

Nëse do të isha dep­utet i opozitës do të kërkoja sot heqjen e plotë të imunitet­it për cdo politikan, prokuror dhe gjyka­tës, si e vetmja mën­yrë e shprehjes së vullnetit të plotë për vënien në dispozic­ion të gjithkujt para drejtësisë, si i barabartë para ligjit. Sa kohë që ajo kla­uzolë të jetë, të gj­itha betimet se ne jemi gati në cdo mome­nt të ballafaqohemi me drejtësinë, nuk janë gjë tjetër veçse dëngla politikanësh. Sepse barazia para ligjit sot nuk ekziston me ligj.

Me sa më kujtohet ka qenë Partia Social­iste, që ka këmbëngu­lur atëherë (në vitin 2012) që të kishte një dritare të vogël për deputetët dhe për njerëzit e drejt­ësisë, nëpërmjet të cilës po mbrohet këto ditë fati i qytetarit Sa­imir Tahiri, sepse politikisht ai tashmë ka kryer punë. Duhen vetëm 28 firma për t’ia lënë në derë prapë Edi Ramës, që ta marrë ai përsipër të vendosë që qeveria e tij nuk bën dot pa imunitet dhe se kjo mazhorancë e ka frikë drejtësinë.

Do të ishte një bet­ejë ëin/ëin, fundi i së cilës do të sill­te një sukses të gar­antuar. Natyrisht, nëse dikush ose disa nga opozi­ta nuk e kanë merakun që mbase një ditë ta shfrytëzojnë për vete atë nenin, që po shërben sot si salvax­hente për Saimir Tah­irin.

Por edhe nëse do të ekzistonte kjo frikë për dikë apo për disa, do të ishte një keqkuptim i madh. Sepse imuniteti, për aq sa është, nuk ësh­të ndonjë instrument, prejt të cilit mund të mbrohet opozita. Sepse nëse do të vinte ajo ditë, mazho­ranca i ka gjithmonë votat që edhe në më­nyrë arbitrare të vo­tojë kundër çdo depu­teti të Partisë Demo­kratike, sa herë që kjo të kërkohet. Sep­se jemi ne ata që me­ndojmë dhe po përpiq­emi të bindim shqipt­arët se Saimir Tahiri nuk është rast i veçuar, por ka edhe shumë të tjerë si ai, por për këtë duhet të jemi bindës.

Ndaj edhe them se opozita sot betejën nuk e ka me parlament­in, por me opinionin publik, të cilin du­het ta tërheqë pas kauzës së vet, kur ta ketë realisht një të tillë. Kështu si po zhvillohen ngjarjet sot, të gjithë janë të bindur që Rama është kapur i zhytur në llum, por jo të gjithë mendojnë se Partia Demokratike po bën gjënë e duhur dhe po e shfrytëzon siç duhet këtë shans të artë.

© SYRI.net

Lexo edhe

Komentet

Tirana25/10/2017 10:00

Mire do te ishte qe ti o patoz , si ish deputet dhe politikan " i shquar " ..., te beje disa kohe pushim ne fushen e medias se shkruar , sepse ke qene " shume i ngarkuar " ne fushen e politikes se madhe ...??!!

Landi.24/10/2017 21:01

Z. Patozi !
Kam mendimin se ju jeni nje Legen si çdo politikan tjeter. Shqiptaret nuk kenaqen kur njerezite e njohur jane ne hall. Por kenaqen kur legenat si puna e Tahirit dhe si ti, jane ne hall. Ju duhet te shfaqni pak modesti para njerezve te thjesht. Politikanet shqiptar burgun e kane pak. Madje eshte gjynah te vdesin nga semundjet, ata duhet te vriten.

Pleher i llogjeve kavajse 24/10/2017 17:26

Nuk e kuptoj kete portalin e Pekes qe sa here flasin kunder bashes botohet me shpejtesi. Ore nga syte kembet Bashes e sh te tjereve. Po perse more Zoterinj I jepni, jo hapsire mediatike se ne fund te fundit eshte ish koleg I juaji eshte por rendesi njej personi qe gjithmone eshte ne kundravajtje me PD. Cfare kerkon ky pleher qe nuk beri asnje nje gje per PD, por I kendon kur humb PD ja dhe vajton per arrestimin e krimbave te PS. Ah sa te mjere jemi ne si popull.

MERAKU24/10/2017 16:56

Alibi per te ngaterruar serizitetin e kohes ndaj kanabisteve. Populli e ka pare e degjuar i mashtruar nga keta PATOZI jep direktiva. Bravo Pa toz se ku po shkon e ku do na dalesh. Koha e maskarejve, populli e din vete ne c;kohe jemi.

krasasi tp24/10/2017 15:51

z.Strazimiri,z.Paloka, z.Mediu e ndonji tjeter kane kundershtuar nismen ligjore per ta heq imunitetin e deputeteve, nje propozim i z.Basha ne grupin parlamentar.Hezitimi i ndoca deputeteve mund te kete arsye personale, por z.Basha po ta kete seriozisht nismen, Ai e ka mbeshtetjen e plote nga grupi i deputeteve se vete i ka zgjedhur qe ti shkojne pas, sa here qe e ka seriozisht.Kerkesa per heqjen e imunitetit per deputetet dhe barazimi para ligjit duhet te jete neser ne parlament thelbi i kerkeses dhe debatit te grupit te PD.1 llaf sa per 1000 fjale.

Erl Kodra24/10/2017 15:43

Sipas teje, gjithmone. Ti Patoz shkruan bukur, dmth si strukture, si forme, por me sa duket te mungon dicka thelbesore. Kendveshtrimi yt te komprementon. Te pakten sot ske pse perpiqesh te "sfumosh". Pak dinjitet te ben mire.

Shto koment

Denonco