Ja pse, Edvin Kristaq Rama vrau për së dyti, dje në parlament, martirët e lirisë!

Ja pse, Edvin Kristaq Rama vrau për së dyti, dje në parlament, martirët e lirisë!

Nga Sali Berisha - 11/10/2017

Të dashur miq, në seancën e djeshme plenare kushtuar nderimit të 16 deputetëve dhe intelektualëve të kombit, të ekzekutuar nga Enver Hoxha, më 10 tetor 1947, Edvin Kristaq Rama me fjalimin dhe qëndrimet që mbajti i vrau, për së dyti, martirët e lirisë, dhe kjo, për disa arsye:

Së pari, në fjalimin e tij prej 1260 fjalësh, si krytar i një partie që pasi ndryshoi emrin nga PPSH në PS, shpalli vehten trashigimtare juridike të partisë së Enver Hoxhës që kreu krimin terrorist, ai, mund dhe duhej të kërkonte një ndjesë ex oficio. Për më tepër Edi Rama, ndonëse nuk ka përgjegjësi personale, duhet të kërkonte ndjesë publike edhe për shkak të lidhjeve të tij të forta familjare me xhelatët që urdhëruan dhe firmosën varjet, pushkatimet, burgosjet, internimet politike gjatë diktaturës hoxhiste. Ai, duhet ta dijë se, përgjegjësia, në rastin e tij morale, për krimet e paparashkrueshme, genocidin dhe krimet kundër njerëzimit, të etërve të tij shpirtërorë dhe biologjikë, do ta ndjekë gjithë jetën si një detyrim moral për të kërkuar ndjesë, pavarësisht nga ndërrimi i emrave të forcës politike që ai drejton apo funksionet që ai do të kryejë.

Së dyti, Edi Rama në seancën e djeshme, vrau edhe një herë parlamentarët e lirisë dhe bashkëpunëtorët e tyre, sepse ai me cinizëm esktrem në krye të seancës përkujtimore, vendosi ish ministrin e fundit të Sigurimit të Shtetit, Gramoz Ruçi, dhe si për t’ju thënë atyre “mirë ua kanë bërë”, nuk e zëvendësoj atë me një nga nënkryetarët, në drejtimin e seancës. Përveç kësaj, Rama gjatë seancës, mbante në krahë një ish-hetues që ka thyer nofulla në hetuesinë politike gjatë diktaturës, Fatmir Xhafën.

Së treti, Edi Rama i ekzekutoi dje, edhe një herë në varre, ata burra të shquar të kombit, sepse në fjalimin e tij prej 1260 fjalësh, nuk shqipëroj as dhe njëherë të vetme një fjalë dënuese e madje as dhe emrin e Enver Hoxhës, Hitlerit Shqiptar të pas luftës, kryxhelatit të krimit monstruoz të rradhës kundër njerëzimit, të datës 10 tetor 1947.

Përkundrazi, Edi Rama për të mbrojtur atin e tij shpirtëror, manipuloi dhe fallsifikoi dje historinë. Kështu ai, në parlament, mashtroi trashë dhe me cinizëm kur deklaroi se: "Një major me dy kapitenë ushtrie, të asistuar nga një aspirancë, janë autorët e eliminimit të 15 deputetëve që përbënin 20% të parlamentit në atë kohë, ….”.

Të paraqesësh këtë krim monstruoz si akt të një majori dhe dy kapitenëve të ushtrisë, është njëlloj si të shkrehje breshëri kallashi dje, në parlament, mbi kujtimin dhe veprën e martirëve të opozitës shqiptare.

E vërteta historike është se, vendimi për dënimin e tyre me vdekje është marrë dhe firmosur nga vetë Enver Hoxha dhe Byroja Politike, para zhvillimit të gjygjit. Kështu që, majori dhe kapitenët kriminelë dhe terroristë në atë proces farsë, zbatuan thjesht vendimin e kryexhelatit Hoxha, të cilit Rama në 1260 fjalë nuk i përmend qoftë dhe njëherë të vetme emrin, por kërkon të mashtrojë shqiptarët se, fajin e kishte një major dhe dy kapitenë ushtrie.

Përveç kësaj, kërkesa e martirëve për faljen e jetës u refuzua dhe zbatimi i vendimit të ekzekutimit u miratua me shpejtësi të rrufeshme, po nga diktatori stalinist Enver Hoxha, pra edhe plumbat mbi gjoksin e tyre, mbanin firmën e Enver Hoxhës, të cilit Edi Rama me kujdes i fshehu veprën terroriste dhe genocidin ndaj opozitës.

Së katërti, Edvin Kristaq Rama i vrau për së dyti martirët e lirisë sepse, ai, dje në 1260 fjalë nuk shqipëroj një herë të vetme një fjalë për Sigurimin e Shtetit, Policinë terroriste Sekrete të Enver Hoxhës që, me porosi direkte të tij, i torturoi gjer në vdekje, vari, pushkatoi e burgosi ata burra dhe dhjetra mijëra shqiptarë të tjerë, gjatë 46 viteve të kalvarit komunist. Rama nuk përmendi dot dje Sigurimin e Shtetit sepse, ai, me shumicën e tij miratoi ligjin e dosjeve që ju garantoi terroristëve të Sigurimit, emërimin në çdo funksion, në të gjithë lartësinë e piramidës së maxhorancës aktuale. Ndërkohë që, Rama dhe partia e tij, rrëzuan me angazhimin e tij direkt personal ligjin tjetër që i nxirrte kriminelët e Policisë Sekrete të rregjimit hoxhist, njëherë e përgjithmonë nga administrata, organet e zgjedhura dhe ato gjyqësore të shtetit shqiptar.

Edi Rama me fjalën e tij mashtroi shqiptarët dhe manipuloi të vërtetën kur, në mënyrë të përsëritur, deklaroi se ishim mbledhur aty për shkak të miratimit nga mazhoranca e tij të ligjit të dosjeve, ligj që mbronte xhelatët e Sigurimit të Shtetit, ndërkohë që memorja e parlamentit dhe dokumentat e këtij shteti faktojnë se, parlamenti ka mbajtur më pare sesione komemorative në nderim të martirëve të 10 tetorit 1947, natyrisht jo i kryesuar nga Ministri i Policisë terroriste Sekrete të Enver Hoxhës, Gramoz Ruçi, por nga një përfaqësuese e denjë e shtresës së tyre, Zj. Jozefina Topalli, si dhe vite më parë ata janë shpallur “Martirë të Lirisë”.

Si përfundim, dua t’i them Edi Ramës se, as me një apo tridhjetë majorë apo kapitenë kriminelë e terroristë, nuk mund të mbulosh fytyrën prej xhelati të Enver Hoxhës, Hitlerit shqiptar të pas Luftës së Dytë dhe të gjithë atyre që urdhëruan, firmosën, edhe si puna e babait tënd bilogjik, varjen, ezkekutimin, torturimin apo burgosjen e viktimave të genocidit komunist.

Këtu, më poshtë, keni një foto të majorit dhe disa prej kapitenëve xhelatë të martirëve të lirisë, viktimave të diktaturës hoxhiste.

*Në foto: Kristaq Rama, Enver Hoxha dhe Hysni Kapo

© SYRI.net

Lexo edhe

Komentet

Tako Takja12/10/2017 14:51

Falje kërko ti Sali.ne.emer të Partisë tënde të dashur të Punës!
Thone qe komunistët dhe kurvat nuk heqin dorë kurrë nga puna e tyre!
Kristaq Rama ka qenë një artist.qe mori grua mbesën e Spiro Kolekës ë cila para se të kishte xhaxha kishte një baba zoteri dhe të mençur Petro Koleken!
Është fatkeqësi e këtyre prindërve që bënë një djalë pa karakter dhe të shkarë nga mendja.
Sali Berisha ishte nga një familje maskarenjsh komuniste !Vete martohet me një vajzë nga familje patriote por me.nene.jugosllave!
Gjithë jetën dogmatik dhe ekstremist !
Ai është njëqind herë më komunist se Ruçi dhe njëmijë herë më pak demokrat sesa Nano!
Berisha dhe Kadare janë komunizmi shqiptar ende i gjallë.
Pjesa tjetër ë politikës janë lepuj hajdutë..

Nebil 11/10/2017 18:06

Ne foto me i dukshem eshte Spiro Koleka, xhaja i mama Netes.
Persa u perket 15 deputeteve te opozites, ata vajten si cjapi tek kasapi. Misionet amerikane dhe engleze e dinin shume mire ku do te perfundonin keta opozitare.

ArT11/10/2017 16:06

z. Berisha,

Ne foto Hysni Kapo eshte ne plan te dyte. Ne plan te pare, sebashku me Enver Hoxhen dhe Kristaq Ramen, eshte Spiro Koleka, daja i Kryministrit Edi Rama.

krasasi tp11/10/2017 16:02

z.Berisha, deputetet u vrane me urdher te byrose dhe letrat e gjyqit u plotesuan me vone.Kjo eshte nje e vertete qe besoj nuk e kontenston njeri.Denimi i regjimit te xhaxhi Enverit nuk ka fuqi ta beje askush, pamvaresisht retorikave politike.Nuk e bete as Ju ne 1992.As me vone.Ishte shoku Curcill qe ja hoqi vizen ne harte Shqiperise dhe e renditi me lindjen, por ama ne krahun e fituesve.ajo qe bene cudi eshte qendrimi i grupit parlamentar i shprehur ne nje shkrim ne po kete portal, z.Bylykbashi ku per vrasjet ne kufi ne vitin 1991, keshillon qe 'nuk duhet te meremi me fenomenin ",pra as te hetojme nese ka pasur urdher per vrasjet ne kufi, "por me individin".Kete rekomandon z.Bylykbashi mund ta beje cdo "individ, shoqat apo parti politike".Z.Rama me majorin , dy kapitenet dhe aspirantin eshte fiks ne linjen e eterve me diktaturen e proletariatit.Nuk ka si te kerkoje falje, kur aty ku ishte shtatorja e Enver Hoxhes ne sheshin Skenderbe ,Z.Rama ngriti podiumin dhe si te fliste vete Zeusi, shpalosi "programin 4 vjecar ", qe ja mundesoji kanabisi, PD(L.B) dhe grupi ambasadorial.Z.Berisha, qendrat e qyteteve,"rilindja urbane" e E.Rames dhe FAN nuk jane fiks ajo qe ju nevojitet sot per sot shqiptareve.Ndoshta oligarkise po.Por megjithate kur tjetri te "fal" gomarin nuk ke si ta shofish nga dhembet, se mos eshte plak.Z.Bylykbashi eshte individ, por edhe perfaqesues i larte i "Rilindjes Demokrate", keshtu qe i ka te gjitha mundesite te padis per vrasjet ne kufi 1991 individet sic ua rekomandon te tjereve.Ushtaret e jo fenomenin."Majoret" jo regjimin.

Shto koment