Papagallët mund të jenë spiunë më të rrezikshëm sesa njerëzit.

Kështu ka ndodhur edhe me një burrë, i cili mendoi se ishte vetëm në shtëpi dhe përfitoi për të bërë seks me kamerieren.

Ngjarja ka ndodhur në Kuvajt ku tradhtia është e ndëshkueshme dhe me burg. Papagalli “spiun” kishte filluar të thoshte fjalë të cilat e zonja e shtëpisë nuk i kishte dëgjuar prej shumë kohësh.

Atëherë gruaja ka marrë papagallin dhe e ka çuar në polici si provë që do ta çonin burrin prapa hekurave.

Fati i burrit ishte se autoritetet deklaruan se fjalët e papagallit nuk mund të konsideroheshin provë, pasi zogu mund të kishte dëgjuar dhe riprodhuar ato fjalë ndoshta dhe nga televizori apo radio.

Në fakt gruaja kishte pasur dyshime se burri e tradhtonte me kamerieren pasi sa herë që ajo shkonte në shtëpi burri tregonte shenja ankthi.