Cili është dallimi ndërmjet bombës atomike dhe asaj të hidrogjenit?

Cili është dallimi ndërmjet bombës atomike dhe asaj të hidrogjenit?

10:28, 07/02/2017
A+ Aa A-

Kemi dëgjuar për bombat më shkatërruese të prodhuara nga njeriu, bombat atomike dhe ato të hidrogjenit, me potencial tmerrësisht shkatërrues, por ku saktësisht qëndron dallimi ndërmjet tyre?

Bombat e hidrogjenit janë të ndryshme nga ato atomike si p.sh. bombat atomike të hedhura në Japoni nga SHBA-të afër fundit të luftës së dytë botërore, përgjegjëse për vrasjen e 200 000 personave.

Por ku saktësisht qëndron dallimi?

Shpërthimi i bombës së hidrogjenit është krejtësisht i ndryshëm prej asaj atomike. Sipas ekspertëve bërthamorë, një shpërthim i tillë mund të jetë deri në 1 000 herë më i fuqishëm.

Korea Veriore ka testuar predha atomike përgjatë viteve 2006, 2009 dhe 2013. Shpërthimi i tyre është kryer me fision – ndarje të atomeve në pjesë më të vogël. Format e “rënda” të elementeve radioaktive si plutoniumi dhe uraniumi janë veçanërisht të afta për të kryer këtë proces.

Çdo fision shkakton lirimin e një sasie të madhe të energjisë. Procesi është i njejtë në rastet e termocentrale bërthamore.

Sidoqoftë nëse atomet goditen ndërmjet vete, ato mund të sinkronizohen në atë mënyrë që pason një proces vargor i fisioneve që ka për rrjedhoi lirimin e energjisë me përmasa shkatërruese, gjë që ndodh në rastin e bombave atomike.

Më poshtë po japim skemën e marrë nga Reuters, në të cilën paraqiten dy modele të ndryshme të bombave atomike. Qëllimi i të dyjave është të detonoi eksploziv tradicional (me ngjyrë kafe të çelët në figurë) në mënyrë që të nxis fusionin në materiale si plutoniumi-239 (me ngjyrë të gjelbër në figurë) dhe uraniumi-235 (me ngjyrë të verdhë në figurë), në një masë kritike.

Aparatura në të majtë është e ngjajshme me bombën “Fat Man” të lëshuar mbi Nagassaki, ndërkohë ajo në të djathtë është e ngjajshme me bombën “Little Boy” të hedhur mbi Hiroshima.

Në bombat e hidrogjenit ndodh diçka edhe më ekstreme.

Ato bazohen në kombinimin e dy apo më shumë atomeve të hidrogjenit në procesin e njohur si fusion, proces në të cilën bazohet energjia (që manifesohet me nxehtësi dhe ndriçim) e yjeve.

Më poshtë po japim skemëm e një bombe atomike krahas asaj të hidrogjenit. Një formë e veçant, më e rëndë (një neutron më tepër se hidrogjeni i zakonshëm) e hidrogjenit e njohur si deuterium (ngjyra e gjelbër në figurë), është çelësi i të dy bombave të paraqitura në këtë skemë. Ai shkakton fisionin e më shumë atome, duke siguruar energji më të madhe.

Në mënyrë që të kryhet fuzioni, fillimisht duhet një sasi e madhe e energjisë – gjë që sigurohet me anë të një bombe të fisionit. Kështu, bombat e hidrogjenit përbëhen në fakt nga dy bomba: një bombë e fisionit dhe tjetra e fuzionit.

Në brendi të një bombe të hidrogjenit, bomba në anën e mjajtë të skemës së mësipërme liron sasi të mëdha të rrezatimit X duke nxitur procesin e fuzionit.

 

© SYRI.net

Lexo edhe:

Komentet

Shto koment

Denonco