Thuajse të gjitha religjionet flasin për jetën pas vdekjes. Por, shumë prej tyre tregojnë se ne kemi ekzistuar si shpirtra edhe para se të lindnim, ta merrnim formën tonë materiale. Nuk është fjala për reinkarnacion, pra jo për një ekzistencë ciklike, por lineare, veçse thuajse të pafundme.

Sarah Hinze sjell tregimin e saj rreth përvojave të njerëzve para se të lindin:

"Isha duke e vënë djalin tim tre vjeçar në gjumë, kur ai kërkoi t'ia tregoja një përrallë. Gjatë disa javëve të fundit, unë i kisha treguar atij rreth aventurave të stërgjyshit të tij, një pionieri amerikan, ushtari, lideri të komunitetit. Por, sonte doja t'ia tregoja një ngjarje tjetër. Por, Johnny më ndali dhe më tha:

"Jo, jo! Më trego diçka për gjyshin Robert". Mbeta e befasuar. Roberti ishte gjyshi im. Unë kurrë nuk ia kisha përmendur djalit tim Robertin, i cili kishte vdekur para se të martohesha unë.