Korporata raketore dhe kozmike ruse "Energija", planifikon që rusin e parë ta dërgojë në Hënë në vitin 2031, bëri me dije drejtori i kësaj korporate, Vladimir Solncev. "Pas vitit 2025, planifikojmë që të fillojmë me fluturime në Hënë dhe me përshtatje në satelitet artificiale,transmeton gazeta Kosova Sot.

Në vitin 2026 kemi për qëllim që, në fluturim rreth Hënës, ta dërgojmë një fluturake pa pilot, e në vitin 2027, ta lançojmë modulin, i cili do të lançohet në orbitë të Hënës", thotë ai. Solncev ka shpjeguar se, moduli do të lançojë në Hënë sipas një sistemi automatik. "Në vitin 2029, në orbitën e Hënës do të paraqitet një anije e re kozmike pa ekuipazh, e duke filluar nga viti 2030 do të punojmë në organizimin fluturimit me ekuipazh në Hënë", thotë ai. Rusia ka apeluar te SHBA-ja dhe Evropa që së bashku, të punojnë në zhvillimin e modulit për aterrim në Hënë.