Pas djegies së një makine në Lezhë në përdorim nga kryebashkiaku Fran Frrokaj në mesnatë, në lagjen Besëlidhja, ka reaguar Bashkia e Lezhës, e cila sqaroi se makina ishte marrë me kontratë huapërdorje prej saj për lëvizjen e kryetarit apo administratës, pasi nuk dispononte makina në pronësi për këtë shërbim.
Bashkia i bëri thirrje organeve kompetente të zbardhin shkaqet e djegies së makinës.
Në njoftimin e saj thuhe: Bashkia e Lezhës sqaron opinionin publik se automjeti i djegur Autoveturë, tip Mercedez Benz me targa AA 400 JK, prodhim i vitit 2002, ishte marrë nga bashkia me ‘’Kontratë Huapërdorje’’ për shkak se nuk kishte në pronësi makinë për lëvizjen e kryetarit apo administratës. Bashkia Lezhë po pret përfundimin e hetimeve për të zbardhur shkaqet e djegies ndërsa i bën thirrje organeve kompetente për të hedhur dritë mbi këtë rast, nësë ishte zjarrvënie e qëllimshme apo defekt në automjet .
© SYRI.net
Bashkia Lezhe lehte po mashtron sepse Makina ka qen e kryetarit e ka blere me leket qe hodhen biznesmenat per tu bere drejtora.Dhe sa per informacion Makina ka kene Mercedez Benz ML 2015 E BARDHE.